ام ثامر ياقلبي ..

يوما ما بتصير حالتي مثلك ..وانا قد عانيت منها مع ولدي البكر ..

السبب اني ماقد قريت عليه الاذكار ولا على نفسي

فتلاقيني طول الوقت متوتره ومعصبه ومو متحمله شي

انا انصحك انك تقرين عليه الاذكار في وقتها يعني الصباح وانتي طالعه الدوام



والمساء لما ترجعين .
. وحاولي تنظمين نومها وتخلين مذاكرتك في اوقات نومها اذا ممكن

احس دائما ان توترنا ينعكس على اطفالنا هي تحس بتوترك فينعكس عليها وتصير هي متوتره وهذا شي انا متأكده منه ومن تجربه

تذكري دايما ان الله سبحانه وتعالى معك في كل لحظه لا تحسين انك وحيده واستأنسي بوجوده معك واستشعريه

مافيه مانع ان زوجك يساعدك لو بس يمسكها نص ساعه حتى لو كان مشغول هو واجب عليه ايضا الاهتمام فيكم ..

وتذكري انه لاحول لك ولا قوه الا بالله وحده

مافي احد عنده القوه والصبر والتحمل الا من عند الله ..فاستعيني به ..

ربي يوفقك ويسهل امرك يارب

الحين قوليلي انتي ايش تدرسين وفين ؟

الله يعينك ويسهل لك .. فعلا سنهم هذا صعب
انا عندي بنتين وحده 4 و8 شهور و وحده سنه و3 شهور
الله يصلحهم ويهديهم ... وانا نفس حالتك ادرس وجربت بنتي من وهي تحبي الين الحين تمشي
الللللللللله يهديها بس قلق ومتعبه وملقوفه ... لكن وش نسوي
انا قلت مالي وحده من ثنتين يا اني اترك الدراسه او اشوف لها حل معقوووول جدا
اما انها تقعد مهمله وتخرب وتصيح وانا ما استفدت شي غير الضغط
يعني لا انا الي ذاكرت ولا انا الي قعدت معها
فقررت التالي:
احطها عند حاضنه تقريبا 6 ساعات في اليوم حسب اذا صار عندي دراسه ضرورية او لا... احيانا اكنسل اشياء عشانها والله
وبرضو قررت اني ما ادرس ولا افتح شي الا وهم نايمين بالذات الصغيرة لان وهم صاحين مافيه انجاز يرتفع ضغطي على الفاضي
واهم شي نظمي نومها ونظمي وقتك هذا سر النجاح صدقيني
وترا كلها قناعة انتي بس اقنعي نفس بنظام معين وبروتين معي ووحاولي تنسين تمام من دراستك في الاوقات الثانيه ... يعني عطيها وقتها وانتبهي لها ... ويصير مثل ماقلت لك حطيها عند الحاضنه مده اطول اذا تقدرين او على الاقل خلي زوجك عندها (لازم يتعود) وروحي لك مكان مغلق انجزي فيه لمدة معين مثلا ساعتين الى 3 ... واذا نامت برضو كملي ..
بكذا تكونين ارتحي نفسيا من ناحيتها ومن ناحية دراستك .... ولا تنسين الدعاء والاستعانه بالله والله ان شاءالله الله مايرد لك دعوه خاصه في سبيل بنتك وزوجك ...
طولت عليك ... وان شاءالله كلامي واضح لاني في الجامعه والمفروض اني اكتب بحثي لكن سبحان الله ما اصدق القى وقت فاضي عشان اذاكر اروح احوس في اشياءء ثانيه خخخخخخ واقعد اضحك على نفسي اثاريه هم خرطي :22:

الله يعينك عليها بس احسن حل انا اشوف صديقاتي با الغربه يسون كذا جيبي لها محبس زي السرير وحطي لها الالعاب فيها والعاب فيها أصوات وشغلي لها التلفزون ووجهي المحبس على التلفزون عشان تشوف ولا عليك منها حتى لوتبكي حاولي تعودينها انها تجلس في المحبس وحطي لها بسكوت اوشي خفيف وثااااااااااااااااااااني شي الاناشيد اللي فيها صوركراتيين ادخلي اليوتيوب واكتبي اناشيد اطفال نفس طيور الجنه والفواكه وطقتها بدون مويسقى حطيها بدف والله انهم يبكون اذا طفيناها ويجلسون طول الوقت يطالعونها او يشغلون لهم كراتيين الجزيره الاطفال مرررررره خطيره احس نفعتلهم ..

ههههه مشاعل صادقة والله نفس حالتك

ويا أم تالين مثل ما قالوا البنات لا تنسين الأذكار
وتنظيم الوقت
وزيادة ساعات الحضانة
وتعاون زوجك معك
يعني تتناوبون عالبنت شوي يوم أنت تمشينها ويوم هو
ترا كلها أشياء تتسهل بتوفيق الله ..

الحين ولدي هبل بي الله يصلحه وعمره سنتين لكن إلى الآن يحب يستكشف وكل شي لازم ينرفع
وكل باب لازم يتسكر هذا سنهم الله يصلحهم .. ولا يغير عليهم عافيتهم

وطبعاً ولدي الحين رافض المحبس ومن زمان شلته خلاص
وصار يحب يطلع من البيت مساكين ماينلامون البيوت مرة صغيرة
أنت بس لبسيها زين وخليها تمشي وتحبي لو قدام بيتك

لو طفشتك عبي لها البانيو وأنت معها طبعاً وخليها تطلع حرتها في الموية
وراح تنام بعدها

بس لاااازم تعطينها من وقتك هذي أمانة
الله يعينا على حملها وياجرنا

والله نصيحتي لك شوفي لك حضانه كويسه ودوامها طويل وقت الاختبارات حطيها من الصباح الين المغرب وطول هذا الوقت ذاكري وشوفي المهمات اللي عندك واذا رجعت صدقيني بتكون نفسيتك تمام وبتشوفين لها وكلها كم ساعه وتنام
معليش حتي لو الحضانه غاليه لو ما تاكلين ولا تشربين نفسيتك اهم شي والضغط النفسي والتوتر بيتعبك انتي وبنتك والله كلنا من ناحيه العيال حاااااااااله
جربي في هذي الايام دامها اختبارات وشوفي الفرق