الله يهديه ويصلحه
طيب فين ابوه عن دا كله
لازم تاخدوا موقف حازم ويكون من الطرفين
وكمان لو قدرتوا تعرضوه على دكتور نفسي متخصص في سلوك الاطفال يكون مررره ممتاز

اخت تحفه كلامك صح انا مقهوره من زوجي تخيلي اني ماحكيته الساواه اخوه عشان مايزعل منه بس اضطريت اقول لما جا يتكلم معايا ليه انا رافضه ان الولد يمسك جوال مع العلم انه موافق بس عشان اخوه يبغى كده واخوه زي ماقولت لكم هو الجايب الجوال للولد وقتها انا قولت له هو غير امين على ابني وحكيته انه يحرضه عليا لكن كالعاده مانطق ولا كلمه ولا علق اصلا عالموضوع وبعد صمته قولت انا مااحد يمشي كلامه على بيتي وماراح يصير مع اولادي غير الانا ابغاه وابني ماراح يمسك جوال واخوك ياخد جواله وكتر خيره مااحد قال له محتاجين ساعدنا وبرضه زوجي مارد ولا اتكلم وانا فعلا مقهوره بس اتا اتعودت انه يهضم حقي عند اهله ده مو اول موقف بس دي المره انا مايهمني غير ابني

نفس حالتي بظبط بس ولدي عمرة6سنة وانا 21 سنة مشكلتي يمكن اكبر من مشكلتك لني انا سكانة في الدور 2 وام زوجي في الدور 1واخوات زوجي في الدور 3 وولدي مرة شقي وطالباتة جدا كثيرة ودائم لم يغلط انا احرمة من الاشياء الي يحبة واول ما يصرخ او يبكي تجي ام زوجي وتقول حررررام عليك ايشبك علية انتي قلبك قاسي ما عندك صبر من هاالاكلام وتراضية وتعطية اي شي يبغة حتى لوكان خط عشان كذا صار دائم يقولي انتي ما تحبيني انتي تكرهيني جدة تعطين اي شى ابغاها تحبني اكثر منك الله يعننا يا اختي ادعيلي وانا ادعيلك

والله انا اساوي معاه زي ماقولتي يا اخت بينار شاي انا اصلا عمري 24 يعني يعتبر سني قريب منه وانا موبعيده عنه بالعكس انام جنبه ومااكل غير معاه واحنا مو اسره متفككه بالعكس احنا جدا مترابطين حتى ابوه ماله طلعات ولا سفرات غير معانا انا يابنات احس نفس متوسطه في تربيته يعني انا مدلعته ليه غرفه خاصه فيه طلب مني سوني جبت طلب بيت كبير يدخل فيه جبت وكمان اخته انا اعادل بينهم في كل شي وفي نفس الوقت احنا عندنا التزام بالصلاه والاخلاق والسلوك السليم ده المدمرني والله ان الناس كلها تشهد بتربيتي الممتازه ليهم

امي كل دنيتي الله يسخر لينا اولادنا والله ان الام الصغيره تعاني اكتر من الام السنها طبيعي للزواج والاطفال انا حاسه فيكي كيف دفني طفولتك عشان ولدك ولسه كمان شبابك شوفي حالي 24 سنه وتوي اول ثانوي وهدا عشان مااترك ولدي مع شغاله ولا اهمله الله يعينك انتبهي من جد كل مادا وبيتمردو علينا بسبب الحنيه المؤذيه من اهل الاب