ساعدوني في حل مشاكلي وكيف القى لي وظيفه تغنيني عن ابوي وزوجي

السلام عليكم ورحمة الله وبركاته
بصراحه انا معجبه به المنتدى كثير وترددت اني اكتب مشكلتي فيه بس بعدين قررت اني اكتب ويمكن يكون لي حل او مساعده فيه
بصراحه مادري من وين ابدا بس كل اللي اقوله الحمدالله على كل شي
مشكلتي يابنات في ابوي الله يسامحه دنيا واخره على العذاب اللي معيشنا فيه لو احكي لبكره ماخلصت ولا احد يصدق حياتنا كيف معه لدرجة احسه يكرهنا وربي يابنات مره احرق اختي بمويه حاره بدون سبب وربي يعذبنا بكل شي بدون سبب او اسباب تافهه من يوم انا صغيره وهو يعذبنا حتى امي المسكينه متحمله كل شي على شاني انا واخواني وربي احيان كثيره احس اني اكره عقدنا في حياتنا بذله لنا واهانته لنا مع امي اللي ماهي قادره تشتكي لاحد تخاف انه يحرمها منا وربي فكرت كثير اني اقول لخوالي عشان ياخذوا امي بس خايفه تزعل امي ماتشكي لحد ولاحد يدري بحياتنا كل هذا شي وبخله ياناس شي ثـــــــــــــــــــــــــــــ ــــــــــــــــــــــــــــــ ــانـــــــــــــــــــــــــي بخيل بشكل محد يتخيل معانا ومع الناس كريم مررررررررررررررررررررررررررررر ررررررررررررره مادري ليه لدرجة يسكر الثلاجه بمفتاح ويقول لامي اطبخي وجبه وحده باليوم ومولازم كل يوم طبخ الخبز وشاهي حلو
والمشكله عنده خير واااااااااااجد ومو محتاج شي بس كذا
امي كبيره بسن وتخيلو جدتي ام ابوي عندنا بالبيت كبيره عمره فوق100مريضه امي اللي تغسله وتسبحه وتلبسه وتاكله وشغل البيت كله على امي ومو راضي يجيب لها خدامه كذا بسبب بخله يقول ليه اعطي الخدامه 400 كل شهر وربي ما ابالغ
والمشكله خرب مستقبلنا انا واخواني انا درست بقسم هو اختاره لي وكملت دراستي غصب عنه بكل المشاكل اللي كان يسويه لي تحملت على امل اني اتوظف واعوض امي بس تخرجت زوجني بواحد هو اختاره على كيفه غصب عني ومن شروطه ماتوظف
اختي ماتاركه ابوي تكمل دراستها بس عندها ثانوي وثالثه بالمتوسط والولد باقي صغير
هذي نبذه عن ابوي
انا يوم تزوجت على كثر ماكنت زعلانه على اني كنت ابغى اتوظف وعلى امي واخواني بس قلت يمكن ربي يعوضني عن ابوي
طلع زوجي قريب من ابوي انسان اناني بكل شي همه نفسه واهله وبس
شايف نفسه مادري ليه يكره اهلي ويزعل على علاقتي فيهم وربي ماقدر اجيب لهم شي لو هديه على كثر بخل ابوي احاول اعطي امي اذا اعطاني زوجي لو100 ريال يقولي انا ماصرف على اهلك لا و بعد خاين درجه اولى ظلمني معه كثييييييير بس ماني قادره اطلب اطلاق عشان امي ماراح تتحمل وانا ماني قادره على بخل ابوي متحمله زوجي بكل عيوبه هو اهله وربي امه معتبرتني الشغاله لها هي وبناتها واذا قلت لزوجي ليش يتعاملون معي كذا قالي اذا مو عاجبك روحي لاهلك وربي يابنات من اول يوم تزوجته فيه وهو حاط رقمه بلوتوث ولما قلتله ليه قالي انا حر كذا عاجبني بعد فتره لقيت بجوله مسجات مررررررررره وسخه من بنت لما قلت له قال هذا عملي مجبور اتكلم مع بنات في هالشي بعدين دايما اشوفه يبحث عن مواقع اباحيه واذا قلت له قال حب استتطلاع واشوف بالكمبيوتر مقاطع وافلام يقولي مو انا اخوي وربي يابنات ماقصرت معه بشي بس مادري ليه كذا وربي اطبخ وانظف واغسل والبس واكشخ له ولا عمره مدح شي بكلمه لي سنتين متزوجه ماعمره عبرني لو بهديه حتى لو ورده جبت له مره هديه قلت يمكن يحس شوي ويتغير معي ويجيب لي شي قام قالي ماحب الهدايه قلت انا احب الهدايه قال انا ماجيب لك عشان ماتتعودين على هالشي كل الطرق جربتها مع زوجي مافي امل وربي لوكنت موظفه ولا ابوي طيب معي ماجلست معه دقيقه بس انا فقدت الحنان والحب من يوم انا صغيره من ابوي واللحين من زوجي مادري كيف اتصرف انا خلاص مو مفكره بنفسي افكر في امي واخواني متقطع قلبي على حالتهم تكفون ساعدوني لو بدعاء واللي عنده حل تقول واعذروني على كلامي الحوسه بس اول مشاركه لي
انتظر مساعدتكم وحلولكم:06: