( شيخه ) :

البنات الي مايقدرون يشترون الاحواض او ماعندهم حوش للحديقه انا مره شفت بالمشتل يزرعون النعناع والبقدونس والورد بعلب الروب الكبيره ويبيعونها فعجبتني الفكره يعني الزراعه في متناول الجميع لو في كاس بشباك المطبخ ممكن تزرعي اذكر وحده من خداماتي السابقات اندونيسيه كانت تزرع الفلفل الحار والطماطم تحت المكيف الخاص بالمطبخ يعني ينقط عليه ماي المكيف ولا تسقيه ولا شي واثمر ومن يومها حبيت ازرع ببيتي الحين الحوش مليان ورد موسمي وفل وياسمين وحمضيات ليمون وجريب فروت الحجم الصفير وترني مادري شتسمونه بالسعوديه زي الليمونه الكبيره وقشرتها سميكه وايد وطبعآ نخيل وكنار هندي لكبار وكنار عادي ومشموم زي الريحان بس للريحه مش للأكل وزرعت نعناع ظل مده طويله وبعدها مات مدري ليه بزرعه من جديد ومره كنت كل ما اشرب شاي زعتر بالحديقه اكب الباقي بالحديقه متعمده بمساحه فاضيه والله العظيم نسيت هالسالفه والمزارع كل يوم يسقي الزرع الي جمبها وبعدها بشهور لاحظت شجره ورقها شكله طوليوحجمها يمكن اقل من متر ناديت المزارع قالي الظاهر انها شجرة زعتر وريحتها نفاذه والله استانست لكني خفت استعملها بالطبخ قلت يمكن سامه ولا شي وعندنا المزارعين الظاهر مايعرفون شكل شجرة الزعتر ومره طلع عندي بالحديقه خبيز هذا نوع من الخضار الورقيه وتم فتره طويله وبعدها نشف مع ان فيه مزارع يعتني بالشجر لكن الجو مايساعد وباذن الله بكره ببدأ ازرع الكزبره شفت طريقتها هنا من وحده الله يجزاها خير تقول تزرعها من حبات الكزبره الناشفه وبزرع نعناع لانه ضروري جدآ بالبيت للشاي والطبخ وكعلاج للمعده احيانآ وانا طالعه الصباح اقطف كم ورقه يعتبر كمطهر للفم بحاول انزل لكم صور بعض مزروعاتي بالبيت ولي عندها فكره او طريقه جديده تخبرنا نفيد بعض

البنات الي مايقدرون يشترون الاحواض او ماعندهم حوش للحديقه انا مره شفت بالمشتل يزرعون النعناع...