يا بنات .. الله يجزيكم الخير .. ودي اسمع رأيكم في مشكلة نافذة واالباب الخلفي للصالة في بيتي الجديد.
المشكلة ان الباب والنافذة الملتصقة به من الزجاج العاكس يعني فالليل البيت يصير سينما للي برى وانا ما قدر استخدم الشيفون لأني أخاف يبين لإن عندنا عامل في الحديقة والباب مطل عليها .. الحين المشكلة ان الباب ما نقدر نستخدم له اي نوع من الستاير عشان حركة الدخول من وإلى الحديقة تكون سهلة، وأكيد بما ان النافذه على الجدار الثاني ملتصقه به فأنا ما اقدر استخدم شكل من الستاير للباب وشكل آخر للنافذه ..
المشكلة الثانية ان فوق النافذه والباب في زجاج ثابت . هذا كيف أقدر أتعامل معه .. أنا ودي اعرض لكم شكل النافذه والباب لكن لما رحت احمل الصورة قالولي ان النوع غير مسموح به مع اني استخدمت أنواع ذاكرين انها مسموحة اللي تعرف تساعدني .. عشان اوضحلكم بالصور.
أنا أفكر استخدم هالنوع من الستاير للباب
شكرا
إذا الباب من الألمونيوم
بسهولة يصنع لك عامل الالمونيوم..قضيب رفيع يثبت في الاعلى والاسفل ويمكن فكه من جانب واحد
لتدخلين فيه القماش المكشكش وبالتالي يمكن غسله عند الحاجة وأعادة تركيبه
الموضوع سهل جدا وغير مكلف