ساعدوني في شغالتنا

السلام عليكم ورحمة الله وبركاته ،،،،، كل عام وانتم بخير وينعاد عليكم رمضان لافاقدين ولا مفقودين ،،، اخواااتي ،،،انا وامي بس ف البيت ،،، بابا متوفي وماعندي ولااخ ولا اخت ،،، وانا امي شغلنا في وزارة الصحة ونخرج من البيت الساعة 7 ونوصله 5 العصر، يعني طووول الوقت دا البيت فاضي ،، نوع السكن فيلا،،،الي ساكنين فيه بس الدور الارضي والي فوق مقفل عليه ومو مشطب تشطيب نهائي،،، المهم جاتنا شغالتنا فلبينية مسيحية، مكتوب ف جواز السفر ان عمرها 24 سنة ،،، هيا مطلقة وعندها 3 اطفال وجات هنا تشتغل عشان تصرف عليهم،، والبنت من يوم ماجات تحسو عيونها يمين ويسار على الرجال ما ابغى اظلمها بس تحسوها زي المفجوعة كمان جلست فترة اعلمها انه ماتجلس لنا بالشورت تلبس شورت حفر الي تقريبا يوصل الفخد ايييش هوا دا فين احنا حتى لو كلنا حريم ف البيت بس عيييب وحرام وعورة مغلظة تقولي عندنا عادي قلت لها هنا غييير لازم تحترمي المكان الي انتي فيه ،، بعدين انا قلت اكون لها قريبة اعرف ايش فيه ف مخها ،،، خاصة اني اكبر منها بسنة بس ،، نتايج الكلام معاها انها كانت مدمنة هيروين لمدة 3 سنين ،،، واتعافت،وانها اشتغلت فترة في بار تفتح خمور استغفر الله، قلت لها خلاص انتي دحين هنا بتشتغلي بالحلال وصدقيني محد راح يئذيك والكلام دا بس انتي لازم تنتبهي على نفسك وعيالك ،، و لازم تعتبري البيت دا بيتك تنتبهي وخوفتها طبعل من انها تفتح الباب لاحد او تطلع برا الحوش لانه صارت لنا مشكلة قبل كدا كبييييرة جدا بس بعدين بقولكم عليها،،،،
المهم ياحبيباتي ،، هيا جاية بجوال وبصراحة ماتتكلم فيه كتييير نادرا،، وتشوف شغلها بسسسسس
انا ما احب اتجسس صراحة ، وحرام لكن الي شفته خلاني واضطرني اسوي كدا ،،، دخلت تتروش هيا وانا فتحت جوالها وانا اصلا عارفة الرقم السري ،،
لقيت عندها تانغو وسكايب وفيس بوك وكل الي تتمنييييه ، وكلهم باكستانيين وهنووود ولابسة ملابسي وصنادلي الي اروح فبها الزواجات على ملابسي الداخلية الي فوووق ،، ومتصورة فيييها
انا انصدمممت ولقيتها كاتبة تعليق على الفيس انها تحب الباكستانيين لان ....... حجمه غير استغفر الله العظيييييم وربي شي يفججججع واسفة اسفة اني اقول كدا بس اكييد ففاهمين
وشفت لها صور مصورة صدرها بدون ملابس وراسلتها ،،
دحين كيييف اقول لامي ؟ ولا كيف امنعها الشغالة مالها 4 شهور ،،،
ايش التصرف العاقل والصح ،،، ارجوووكم ساعدوني وجزاكم الله خير