ساعدوني في غرفة اولادي

السلام عليكم ورحمة الله وبركاته

حبيباتي راسي شيب من التفكير ابغى اغير غرفة اولادي (ولد وبنتين) بس محتاره اخذ سرير ابو طابقين ولا اسره عاديه

علما اني بس احتاج اسره لان الدولاب في الجدار جاهز وكمان الغرفه مو مره كبيره تقريبا 5ونص في 4
وطبعا ححط ارفف وتسريحه


الي محيرني اني ابغالهم مساحه في الغرفه والسرير بدورين حيوفر مساحه بس اخاف ما تكون الغرفه حلوه

وما حاقدر احط على سرر البنات ناموسيه واشياء دلع للبنات (8 سنوات و5سنوات) والولد 10
والي مرددني في اني اشتري 3 سرر مو عارفه كيف حرتبها بحيث يكون في مساحه في الغرفه
(سررهم الحاليه 3 ) ومو عاجبتني الغرفه احسها مليانه



ايش رايكم وكمان محتاره في لون البويه بس تقريبا حابه اللون التفاحي

الارضه فرشتها لهم فنييل الي يجي على شكل بيوت وشوارع وواحات يعني فيه اللون الاصفر والاخضر هو الغالب

انتظر رايكم