ساعدوني في فرني الجديد من جنرال سيراميك كهربا

كيفكم خواتي في الله
انا شريت فرن سيراميك من جنرال واخيرا تحقق حلم حياتي
بس المشكله ان الكتالوج اللي جاي معاه في كذا نوع موديل ومو موضح لي
كيف استخدم الفرن لخبز الكيك والفطاير
وهو فيه مروحه داخل الفرن بس مشكلتها ماتشتغل اذا كبست ع زر اللي مكتوب عليهbake
لها زر لحالها مكتوب عليه convection bake
وبالعربي مترجمه لعباره الخبز بالحمل
مو موضحين انها لتدوير المروحه اثناء الخبز
انا جربتها في خبز المعمول وبريك مالح
وودي اليوم اصلح فيها كيكه بس بخليها بيتي كوكور عشان ما اتحطم
والله احس لي اربع ايام اقراء الكاتلوج ولا فهمت شي يخص الفرن
عاد انا مقومه الدنيا ومقعدتها اب فرن كهرب بمروحه
فاياليت اذا احد من خواتي عندها تشرح لي
والله احس اني بنصدم من ذالفرن
هو جديد وقيمته فوق الاربع الاف
شريته من الكترو
سيراميك اسود كهربائي
تكفوووون لا تخلوني بغيت فزعتكم
حتى زوجي يقولي روحي اسالي عالم حواء اللي صجيتيني فيه
وانا راهنت له انكم ما راح تخلوني
فددددددددددددددددددددديته من عالم