الاستخاره
قبل ما اتخطب كان في مشاكل كثيره تعرقل الموضوع
ثم صليت الاستخاره و بعد فتره جائوا اهل خطيبي و حلت جميع الخلافات
و تمت الخطبه ثاني يوم علي طول

عليك بالاستخاره الاستخاره ولاتقطعيها الى يوم الزواج وانتي تصلينهاوالخيرة فيما اختاره الله واستشيري احد يكون ثقه في العائله ويخاف الله

شوفي انا مثلج خطبني غريب.. وأبوي متوفي وأخواني كلن لاهي في حاله
محد كان راضي يسأل يعني تخيلي أهله كلموا أهلي وحطيناهم على الهولد
شهر محد رد عليهم! كلن يأجل محد بيسأل.. بس بعدين وقفت وقلت انا
بنفسي لازم اسأل لأني انا اللي بتزوج ويهمني أعرف..

سألت صديقاتي يشوفون حد قريب منهم .. يعني وحده خالها صديقها
قلتلها تسأله إذا يعرفه أو يعرف أحد يعرفه.. وتقوله خاطب من عند ناس
وودهم يعرفون عنه!!! والحمدلله سمعت الإجابات من برا وتطمنت بنفسي..

مسألة الإختلاف في التربية والأطباع صح في البداية تخوف،، لكن حطي
في بالج حياتج بعدين بتكون حياتج انتي.. وهو لأنه الصغير قايم بهم
لكن ما اتوقع انه اخوه بيي ياخذج أو يوديج.. وعندج فترة خطوبة
بتتفاهمين فيها معاه.. السالفه ما بتكون خبط ولزق.. وترى الله خلق
لنا عقول ولسان بتقدرين بعدين مع الوقت توفقين بين أطباعج وأطباعهم
إذا كان عندج الاستعداد وماكنتي بتقولين والله سوا كذا واحنا ما يجوز لنا؟
لاتاخذين الأمور بسلبية ما بتصير سلبية..

وقبل أي من هذا وذاك استخيري ربج

عزيزاتي :
// ورده مفتحة //
// سعيدة الحظ //
// روحــ لك ـــي //
الله يجزيكم خير الجزاء وان شاء الله باستمر في الاستخارة ، دعواتكم لي

موقف ابوكي واعمامك غريب .

كيف عاد ينسحبوا من موضوع بهالأهمية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كيف ما يعرفون يسالون عنه ؟؟؟؟؟؟؟؟؟؟؟؟ شو هالكلام ؟؟؟؟؟؟؟؟؟

انا بصراحة لما خطبني زوجي مش بس أبوي سأل وكمان استعنت بجواسيس غير من اماكن مختلفة من صديقات وخلوا اخوانهم يسالوا وصديقة تبرعت تصحى الفجر توقف على شباك غرفتها وتشوفه يروح يصلي الفجر أو لأ .

جندت عدد من الناس لحد ما رجل ثقة الله يذكره بالخير كلمتني البنت وقالت لي الشب ما يتعوض والا هي قالت ابوي بيقول لك كلمتين معليش؟؟؟؟؟؟؟
قلت لها معليش .
وكلمني عالتلفون وقال : اسمعي يا بنتي لو ما اخذتي هالشب انا راح أروح له بيته وأعرض عليه يتزوج وحدة من بناتي الثلاث وأقدم له مهر .

قمت انا طبعا قلت ما فيهاش ماخذاه ماخذاه.