ساعدوني في مشكلة بنتي00

اخواتي العزيزات اتمنى اجد منكم حل لمشكلة بنتي....

بنتي عمرها اربع سنين كانت ماشاء الله لاقوة الا بالله جدا دبدووووبه وحلووووه ومن كثر ماهي دبه كنت اجد صعوبه في البحث لها عن لبس يناسبها.. كان كل شيء قد عمرهااا ضيق عليها

كانت بيضاء والمتن عليها محليها بزياده وهي احلى وحده بين اخوانه وطبعا ماعندي بنت غيرها فكانت احلى من الاولاد

مشكلتهاااااا....

انها ماعاد تاكل مثل قبل .. نفسها انسدت عن الاكل بدون سبب... وتشرب مويه بشكل جدا كبير.. تشرب المويه بكميات كثيره ماادري ليش؟؟؟ عمري ماشفت احد يشرب مويه قدهااا
احسها طول الوقت عطشانه وعلى قد ماتشرب ماترتوي؟؟؟ تتوقعوا ليش؟؟؟؟؟

وفجاءه بدات تنحف تنحف تنحف... الين صاااارت انحف من العووود...

صارت نحيفه جدا في شهرين والكل لاحظ والكل يسألني عن السبب وكل من شافني انتقدني يحسبوني اني ماااكلها.. بس طبعا انا ااكلها مو معقوله في ام ماتاكل عيالها...

المهم اتغيرت ملامحها من النحف صارت وحشه وراح جمالها وبياضها كمان..

وانا الحين اسالكم من صار لها مثل بنتي؟؟؟طيب ايش تتوقعوا اللي فيهاا؟؟؟

مع العلم حتى لما اطبخ اللي هي تختاره تاكل بس مو كثير ..تاكل بكميات قليله.... لما الحين اشوف صورها وهي صغيره مااصدق التحول المفاجي لجسمها وين كانت وكيف صارت..

كلمت ابوها نوديها مستشفى نشوف يمكن لاسمح الله يكون معاها فقر دم او نسال يمكن الدكتور يجيبلنا حل بس ابوهااا رفض يقول مافيهااا شيء..

بصراحه انا قلقانه عليها لاني قبل فتره كنت في المستشفى ورايت امراءه دار بيننا حديث في غرفة الانتظار وسالتها عن بنتها التعبانه وقالتلي ان بنتها نحفت بشكل مفاجي جدا وكانت كثيرة التبول فلما جابتها المستشفى وسولها تحاليل طلع مع البنت (سكر) والبنت كانت في خامس ابتدائي.

المهم ابغى اسمع نصايحكم وتعليقاتكم... ونسيت اقولكم ابوها جابلها فاتح شهيه هل تتوقعوا هو هذا الحل..