ساعدوني في مشكلتي

السلام عليكم ورحمه الله وبكاته

اول شي حبيت هذا المنتدى لما شفت نصائح البنات لبعض وكيف البنات قلوبهم على بعض

انا مشكلتي بسيطه ومافضفضت فيها لاحد فحبيت اقولها لكم لعل وعسى القى حل لمشكلتي

الي انا مسببتها لنفسي

اول علشان تفهمون وضعي انا عشت طفوله محرومه من اشياء كثيره

من حنان ابويه من الخرجات من الالعاب من ابسط شي يكون مع طفله

والحمدلله على كل حال

كنت كل ماابكي تطبب عليه امي واخواتي ويقولون ليه يجيك الي يعوضك

ويسعدك ومايخليك تحتاجين لاحد

فصرت انتظر هذا الشخص الي يحسسني اني بني ادم مثلي مثل كل البشر

فجاء النصيب ووافقت ولله الحمد هوه طيب

بس سوى معايا كم موقف خلاني احقد عليه وماانساها

وكل ماعديتها تخنقني العبره اتذكرها وانكد عليه

اول شي سواه من ثاني يوم بعد زواجنا

اشترى لنفسه عشى ونساني

حتى لما جابه يقولي نسيتك تبغيني اعطيك معايا:blink:
قلتله لا
وفي قلبي اقول ليه اشحت منك
مشيتها

طبعا حرمني من الخرجات والطلعات
والسوق الي كنت احلم اتزوج علشان اروحله زي كل الناس
قلي انا اكره السوق وماحب اروحله

كمان لما جاءالعيد كان ليه 6 شهور متزوجه المفروض اشتري مثلي زي الناس
قلي معليش توك متزوجه واكيد في دبشك شي ينفع

اضطريت ابيع طقمي علشان اشتري للعيد
اخذ مبلغه كامل واعطاني منه 500 ريال بس
وقلي اشتري الي ناقصك

كل الي قدرت اشتريه طقم لاول يوم
وباقي الملابس غيارات من عفشي القديم

حتى لما حملت مانزلني السوق ملابسي ضاقت عليه
ماحن عليه غير اخواتي
واشترولي ملابس حمل

في هذاك الوقت وصل معايا الحال لاقصاه
وهبيت فيه
وقولتله انا محرومه طول عمري تجي انت
تكمل الناقص
ليه تتزوج اذا مافي بالك تصرف وتتحمل مسؤليه
وقتها انصدم
وقال ماحسبت انك شايله في قلبك كل هذا عليه
قلتله مااقدر استمر معاك ابغى اطلق
قام يتعذر ويقول انا والله مااعرف
شفتك زي واحد من اصحابي
مااعرف ان الزوجه لازم تكون غير
وقال علميني وانا مستعد اتغير
بس لاتتركيني لاني مااتخيل اعب=يش بدونك

ومن بعدها تعدل بس برضو مو كثير
مازال اذا لقى قرشين معايا من حافز ياخذهم
ومازالت طلعاتي بالقوه

بس بعد ايش بعد مااخذت منه موقف
كل ماشفت عروسه جديده
تحكي على الي زوجها سواه لها
تخنقني العبره
وانكد عليه
كل خرجه اذا خرجتها معاه اتذكر حالي
اني كنت عروسه وماتهنيت زي كل العرايس
انكد عليه

انا تعبت ودي انسى
انا افكر لو عشت طفوله حلوه
ماكان همني الي سواه
كان شفت كل شي عادي لاني متعوده

بس انا لاطفوله ولازواج

بس الحق ينقال الحين الله يخليه ليه
مافيه زيه يحاول قد مايقدر يرضيني
بس انا نفسيتي تاثرت وموقادره انسى
كم مرره انكد عليه واذكره بالي سواه فيه
واقوله خلاص طلقني
ابغى اعيش حياه كامله ماينغصها احد ليه
ابغى احد يعوض عليه ايام زواجي الاولى الي انحرمت منها
بس اتراجع لاني اموووووووووووووت فيه واحبه
ومااقدر استغني عنه

يابنات الله يسعدكم ابغاكم تنصحوني وتساعدوني كيف انسى
لاتجوني تقولون ليه انسي
والله موقادره كل مااحاول
الشيطان يوسوس ليه وارجع افكر من جديد
حتى مره اخته قالت ليه
لو ماتعدلتي ازوجه

وانا الا يتزوج عليه كفايه الي شفته من ابوي الله يسامحه

الي تعرف كتب نفسيه او نصائح تنسيني
تعلمني الله يسعدها
والي ماعندها
الله يخليكم خلو نصائحكم من ذهب
ولا اسكتو الله يسعدكم
مالي خلق والي فيني كافيني

معليش طولت عليكم بس والله حاولت اختصرها قد مااقدر
وجزاكم الله خير مقدما