ساعدوني في مشكلتي الله يوفقكم وش أسوي في حرمة خالي

السلام عليكم ورحمة الله وبركاته

كيفكم بنات حواء .. والله عندي مشكلتين أبغى أستشيركم فيها

والله يا بنات إني ما أكذب عليكم ولا أمدح نفسي أنا طييييييييييييييييبه زياده عن الزوم وعمري 22 سنه وإجتماعيه .. لكن أحيان أزعل على الناس الي ما تقدرني لكن على طول أرضي
المشكله الأولى
عندي زوجة خالي عندها ولد عمره 3 سنوات وبنت عمرها شهرين طبعاً البنت جابتها في رمضان وما شفناها غير في عيد الأضحى لأنها كانت في بيت أهلها وكانت أمي تروح لها والله يا بنات كل ما تشوفني تقول لا فلانه ما تشيل بنتي لا والله ما تشيلينها عشاني أحب الأطفال ودئم أبوسهم وألعب معاهم وتقول لي أنتي لعبك دفش وتسليمك دفش وأنا والله الغالبيه يعطوني أطفالهم هي الوحيده من زوجات خوالي الي زي كذا حتى والله بنت عمتى دئم تجيب لنا أطفالها الصغار لكن والله يا بنات حتى عند الناس تقولها وحنا متجمعين في المجلس مع حريم خوالي وبنت عمتى وفيه ناس مايجونا إلا في السنه مره طبعاً كنا في بيت جداني جايين الناس يسلمون على جدتي شفتها مهي عارفه تسلم من بنتها قلت لها هاتي بنتك عنك تخيلو وش ردت علي لالالا أنتي ما أعطيك بنتي مجنونه أنا أعطيك بنت :( وكل الي في المجلس ضحكوا لكن أنا سويت نفسي إنها ما زعلتني ولا شلت هم ولا حسستها بأني زعلت هي طيبه لكن أسلوبها مررررررررررررررره دفش ما يهمها شعور الي عندها
حتى ولدها الصغير من كثر ما تقولي لا سيبيه ما يحبك صار ما يحب يسلم علي ومره قلت لها من الحرررررررررررقه الي في قلبي والله بديت أكره ولدك وأحب ولد فلانه ( أقصد بنت عمتي ) قالت حرام عليك صغير إيه صح الولد صغير لكن الولد كل ما جيت أسلم عليه قال ماما تقول لاتسلم على فلانه

تصدقون قبل أسبوعين جاتنا والله يا بنات كان لي مزكومه ثلاثه أسابيه وما رضت تعطيني بنتها تقول أنتي مزكومه
ااااااااااااااااااااااااااااااااااااااااااااااااااااااااااااااه حارقه قلبي مرررررررررررررررررررررررررررره
حتى والله دئم تقول أقول لأهلى فلانه ما أعطيها أحد من بزورتي دبشه
والله يا بنات إن حريم خوالي وبنات عماتي وعمي وغالبية العائله يعطوني بزورتهم ويحبوني لأني حنونه على الطفل

وش أسوي يا بنات أواجهها أو لا مع إنها تخلي أختي الكبيره تشيلها ومره في الشهر تجيبه لأختي الكبيره وتقول لها ولدي يحبك أما أختك ذيك شريره :(
أقول لها لاتسووين كذا قدام الناس بس أخاف تروح تقول لأهلها لأنها كل شي تقوله لأهلها وتفضحني والا أتركها :(