الله يهديه ويصلحه.

لا تخلين طفلك يكون قائد وتعكسين الادوار هو يكون الوالد والقائد وانتي الابن المطيع هذا غلط
خليك انتي القائده وتحملي النتائج مهما كان حجمها لو توصل لبكائه وصراخه وتكسيره كل شي حواليه تحملي وخليك رايقه جداً كلها ايام وبيرضخ للواقع
بشرط اذا كان رد فعله عنيف عليك وصارخ وبكى لا يلين قلبك خليك هاديه جداً ولا تعطينه اي انتباه او اهتمام لبكائه وتكسيره عشان توصل الرساله لعقله انه مهما سويت ماراح تاخذ اللي تبيه لغاية ماتخلص دروسك

يعني طالما ماذاكر ولا اهتم بدروسه وواجباته وركز وحفظ ممنوع يمسك الايباد او الالعاب او يتفرج على تلفزيون اطلاقاً
خلي عندك السيطره والقياده والتحكم لاتخلينه هو يتحكم حتى لو اضطر الوضع انه يروح المدرسه يوم او يومين ماخلص واجباته ولا ذاكر
وغير كذا وين دور الاب وسلطته على الولد ؟! لازم يجلس معه يدرسه ويعطيه اوامر ان الالعاب والتلفزيون والايباد كلها ممنوعه لغاية مايتأكد منه انه خلص واجباته وذاكر
وبالنسبه للمدرس الخصوصي كلام فاضي بيجلس مع ولدك يبربر عليه وهو يلعب وماراح تستفيدين شي
اما للمكافأه والعقاب انا اقترح تكون بعد مايجيب نتيجة الامتحان او التقييم اذا كويس تكافؤنه بأي شي سواء مشتريات او مشوار للتسليه بمكان يحبه


الله يشرح صدرك وييسر امرك ويعينك على التربيه

الله يكون بعونك
هو يقول لك انتي تطولين لان عقله مو مع المذاكره ابداً
عقله على اللعب والدليل انه يقول لك انتي تطولين يعني جالس طول الوقت يفكر متى بيروح يلعب
معليش تحملي قوي قلبك واحرميه من اللعب مع اولاد الجيران دامه مشتت ومو مركز
فهميه انه مافي طلعات والعاب الا بعد المذاكره
ويفضل انك تكلمين امهات اولاد الجيران وتفهمين منها كيف نظام مذاكرة اولادها من الساعه كم الى كم عشان تنسقون مع بعض وانتو تختارون وقت مسموح فيه يطلعون يلعبون
عشان هم الاولاد انفسهم خلاص يفهمون ان هذا الوقت اهل اولاد الجيران ماراح يطلعون ولدهم لك وبكذا يجلس يركز معك بالمذاكره

الله يسعدكم ما قصرتوا

الحل انك تشدين عليه،والاهم ان لهجتك تصير حااازمه،مافيه مجال للرحمه ولا للدلع،ولا له داعي الهواش او الضرب، مجرد تزنين عليه بلهجه حازمه وتخلينه يحل اول ما يجي من المدرسه بعد الغدا،لانه يصير متحمس وعنده طاقه فهالوقت،اخوي اخر العنقود كذا يعل قلب امي الين يحفظ لانها تتساهل معه لكن حنا نشد عليه وننشب بحلقه ويحفظ معنا،ويبيله صبر وطولة بال لانه ماتعود مخه على الحفظ والمذاكر