ساعدوني في( مشكلتي مع إبني )

ماأدري كيف أبدأ
أنا عندي ولد عمره 10سنوات وعليه خوف مو طبيعي ولاحظت هالشي من 3 شهور
بس قبل ماكان يخاف بالدرجه هذي

مره كان عندي موعد وطلعت من البيت وكانوا إخوانه نايمين وأنا هناك دق على الجوال من رقم غريب مصيبه يعني الولد طلع للشارع وجلس يدور أحد يعطيه جوال لأن الثابت كان خربان وماكنا ندري
المهم الولد كان منهار هديناه أنا وأبوه وطلبنا منه يرجع للبيت
ويوم وصلنا للبيت حصلت باب البيت مفتوح ورايح للبقاله يدور أحد يعطيه جوال ولقينا الولد منهاااااااار أخذته وقريت عليه حتى هدأ ونام

ومره كل شوي يدق على أبوه يسأله وينكم؟ ومتى تجون؟ أبوه طفش منه ولا عاد رد عليه
تدرون وش سوى؟ راح ودق على الشرطه يبلغ

أحسه مو صاحي الخوف أكل صحته وماأدري وش سببه ؟؟

أحس شخصيته مهزوزه ماأدري كيف أتعامل معه

يسوي أي شي غلط عشان يلفت أنتباهنا حتى أنه يأذي إخوانه عندي ولد أصغر منه عمره 8 سنوات وأخته عمرها سنه ونصف

الله يخليكم دلوني كيف أتعامل مع خوفه ومع شخصيته المهزوزه

ولكم كل الشكر0000000