السلام عليكم ورحمه الله وبركاته
ياحبيباتي واخواتي ابيكم تساعدوني في مشكلتي
تكفووون تكفووووون الله يسعدكم و يرزقكم بالللي تتمنونه
انا صارلي متزوجه سبعه شهور ومن كم شهر اكتشفت ان زوجي مو مداوم على الصلاه يعني مرات يصلي ومرات لا يعني اذا شافني قمت اصلي قام يصلي واذا جتني الدوره وماأصلي مايقرب الصلاه ابد والله اني اخاف ان الله يبلانا بشي او يغضب علينا اسال الله ان يرحمنا برحمته.......
واذا جاء بيصلي يصلي بالبيت مايروح المسجد رغم ان المسجد قريييب بالحيل من البيت واكثر من مره نصحته وكلمته ان الشي هاذا مايجوز وحرام وتخيلوا يسمع المؤذن يأذن للصلاه ولا يفز ويقوم يصلي وقد قلتله انه من ترك الصلاه عمدا فقد كفر وداري بالشي هاذا ومع ذلك ولا يحرك ساكن والله يابنات ان نفسيتي تعباااااااااانه مرررررره ولا داريه ايش اسوي......
حتى تخيلوا من قبل الزواج الله بلاه باكثر من حادث وهو مسافر لدوامه وكل مره تروح فيها السياره وهو مايجيه الا اصابات طفيفه واخرتها بعد زواجنا بسبوعين صارله حادث وهو رايح الدوام السياره صارت عجينه وهو صار له كسر في عمودين في الرقبه وخدوش في جسمه وكأن كل هاذي الحوادث انذار من الله سبحانه وتعالى انه اذا ماتاب ورجع لله ان يصيبه باكبر من كذا وانا قد قلتله الكلام هاذا ومن كثر خوفي عليه صرت اهدده اني بتركه اذا ما تاب وانتبه لصلاته ولكن من غير فايده
والله يابنات ان السياره اللي شراها جديده بعد الحادث الحين فيها عيوب تصليحها يقدر بعشر الاف ريال وكل مانطلع من مشكله تجينا غيرها والله صرت ماني عارفه ايش اسوي معاه وحتى في رمضان يصوم من غير صلاه ونصحته وكلمته ان صيامه ماينقبل من غير الصلاه لكن مايسمع كلامي :44:
وانا احبه واموووت فيه ومابي استغني عنه ومابي اسوي شي او ادخل اي احد من اهلي او اهله وتكبر المشكله و ينخرب بيتي حتى هو يمووووت فيني ويموت في التراب اللي امشي عليها ولله الحمد حتى يوم قلتله اني بتركه اذا مارجع لصلاته بكى وقال اذا تركته بينتحر وحلف انه صادق في هاذا الشي وانا مابي يصير الشي هاذا لاني ابيه ومتمسكه فيه بس ماني عارفه كيف انصحه واخليه يتوب لله تعالى ويرجع لصلاته مع العلم انه من قبل الزواج كان يسمع اغاني كثييير وبعد ماتزوجنا خليته بالطيب بالغصب يتركها حتى انه جاب الاسطوانات كلها البيت واخذتها وكسرتها وهو معايه ويقول انه بعد ماكسرها حس براحه غريبه وانا فرحت بالحيل لما قال كذا ودعيت في نفسي ان الله يهديه ويشرح صدره للصلاه
ارجوووووكم ياحبيباتي ساعدوني تكفون وقلولي ايش اسوي معاه؟ وكيف اخليه يهتم بصلاته؟
الله يخليكم ويرزقكم الجنه ويجعلكم من اهل الفردوس باذنه تعالى..........
يلزم عليك تسجيل الدخول أولًا لكتابة تعليق.
الدعااااء اختي سهام اليل لاتخطيء ادعي له والحي وشوفي كيف يتغير زوجك ماعليه وفيه خير لكن يبغى نصيحه ودعاء منك وتاثير
لا يمكنك مشاهدة هذا التعليق لانتهاكه شروط الاستخدام.
جربي الحلول النفسيه
ابحثي عن تجارب الدكتور الحبيب كيف اذا كان الزوج مايصلي كيف نصحه وطرق التعامل معه
مين هو الدكتور الحبيب ؟ ياليت تعطيني اسمه بالكامل وفين القاه انا نفسي الاقى شيخ واساله من النت لكن ماحصلت لانه صعبه اخذ رقم شيخ واكلمه ابي موقع لشيخ معروف ؟ ياليت تدولوني
ابحثي عن تجارب الدكتور الحبيب كيف اذا كان الزوج مايصلي كيف نصحه وطرق التعامل معه
مين هو الدكتور الحبيب ؟ ياليت تعطيني اسمه بالكامل وفين القاه انا نفسي الاقى شيخ واساله من النت لكن ماحصلت لانه صعبه اخذ رقم شيخ واكلمه ابي موقع لشيخ معروف ؟ ياليت تدولوني
ادعيله ان الله يهدي قلبه ..
واذا مانفع خلي ابوك والا ابوه يكلمه..
الصلاه عماد الدين وبها تصلح الاجسام ..
واذا مانفع خلي ابوك والا ابوه يكلمه..
الصلاه عماد الدين وبها تصلح الاجسام ..
الصفحة الأخيرة
مااقدر افتي لان مشكلتك يبلها شيخ يحلها مو حريم