ساعدوني في مشكله ولدي

لاتستعجلين ان شاء الله بيمشي
ولسى عمره سنه يعني صغير
وانتي حاولي تعودينه على المشي
وان شاء الله تشوفينه يمشي قدامك

اختي الاطفال يختلفون مو زي بعض ابد

فيه الي يسنن بدري وفيه الي يمشي بدري وفيه الي يتكلم بدري


وبالنسبه للمشي لين سنه ونص عادي

انا بنتي مشت وعمرها سنه و4 شهور

من سنه ونص اعرضيه على الطبيب وترى يمكن يكون السبب فتامين معين يعني مو شي يخوف

بالذات اذا كان يقلب ويعقد خلاص ما فيه خوف بأذن الله


وبالنسبه للحكي انتي سولفي عليه وقولي بابا تهجئ الكلام قدامه ومع الوقت بيقول زيك

وان شاءالله تفرحين فيه بالمشي والحكي سوا

وتشوفينه عريس يارب

ممكن يكون نقص كالسيوم
استشيري دكتور اذا محتاج فيتامينات زيادة على غذائه
بعدين اسنانه طلعت؟ و شلون أكله؟ ياكل كل الأكل من لحم و دجاج و خضار و رز؟
ممكن السبب يكون سوء تغذية
استشيري دكتور و ان شاء الله خير

الله يجزاكم خير ويخليلكم ذراريكم
وبالنسبه للاسنان طلعت ولله الحمد بس وش عقبه طلعت في نهاية الشهر الحادي عشر واللي فوق بدت واكله زين وعرضته على طبيب وقال عطيه زيت كبد الحوت وانا كنت اعطيه هذا الزيت بس وقفته احس انه ثقيل عليه والا وش رايكم ؟ طلبت منه يوصف له كالسيوم ورفض قال يكفي الزيت

بما ان الدكتور شافه و قال مو لازمه كالسيوم معناه الموضوع طبيعي
لا تخافي
بس كل يوم خلي احد يوقفه و يمسكه و انتي وقفي على بعد خطوتين و ناديه يجي لعندك
و ان شاء الله يمشي عن قريب