ساعدوني في معاناتي الله يفرجها عليكم

السلام عليكم ورحمة الله وبركاته\

للامانه انا مادري هدا القسم المناسب لمشكلتي او غيره وبعد انا مادري الي فيني مشكله او نفسي اتكلم وارتاح

لكن ان لم يكن قسم مناسب اتمنى نقله لقسمه


بدخلكم بالموضوع على طول

انا لي اخ اكبر مني بسنتين توفى قبل 6شهور بحادث

انا احبه حب مادري كيف اشرح لكم لكنني احبه بجنوووون

ماكنت اتخيل انه راح يغيب عني بيوم انا واخوي هذا من طفولتنا اصحاب وفاهمين بعض

ودائما متفاهمين ومع بعض فالسراء والضراء

ودائما انا وهو نجلس مع بعض بالساااااعات الطويله نسولف ونضحك ونسهر مع بعض ونلعب مع بعض

حتى بعد ماتزوجت صار يجيني البيت يقعد معي بالاسابيع

للامانه هو اكثر اخواني قرب مني

ما انكر اني احب اخواني كلهم لكن هو له مكانه خاصه بقلبي

كانت تميزه الابتسامه دائما كان يضحك ومرح عمره مازعل احد منه الله يرحمه\

بعد ماتوفى فقدت لذه الحياه صرت ابكي عليه كل يوم \

والله يابنات مو قادره اتخيل انه ماراح يرجع لي ثاني قلبي يتقطع عليه بس طول وقتي افكر فيه وابكي

وما اكذب عليكم مازلت ادعي الله انه يرجع لنا (يمكن هذا نوع من الجنون بس من كثر ماودي يرجع ومو مصدقه)

والله من بعده كرهت كل شي لدرجه اني ماعاد ابي اعيش بعده

تصدقون بعد في اغراض له فبيتي ملابس وجزم الله يكرمكم كل ما اشوفها احظنها واقعد ابكي عليها

المهم اختي الصغيره ان شاء الله راح تملك بعد اسبوع

للامانه انا ماعاد لي نفس بشي واحس ماحد فاهمني قلت لهم اكره الاغاني ولا اناشيد لاتشغلون شي وحسيت اني انقهرت من نفسي يعني اختي تبي تفرح وانا بنكد عليها
واحس بعد مالي نفس احضر ملكتها لاني اعرف نفسي بقعد ابكي
ومتاكده ان امي وابوي راح يبكون وراح تتقطع قلوبهم لانو قبل لايموت الله يرحمه كانو يدورون له على عروس

يعني مو انا وحدي احس بحزن
ابوي كان اخوي الله يرحمه كل شي بالنسبه له مثل روحه
والله لقيت ابوي كاتب فيه قصايد تبكي الحجر
وكل يوم يعيد فديوهات لاخوي الله يرحمه متصور فيها ويشوفها ويقعد يبكي


انا من جد احتاج ارتاح من التفكير الي انا فيه
تكفووون ساعدوني مو قاعره اتخلص من حزني وقهري عليه
ولاني قادره اعيش حياه طبيعيه


انا لله وانا اليه لاراجعون