اشتريت مقلط حريم جديد ومحتاره فيه
الزل اخضر تفاحي وفيه دوائر سكري مع بني
والجلسه اخضر وسكري ساده واشتريت من اخر فرصه خداديات بنيه ومخططه بسكري واخضر 2 مستطيله و 1 مربعه
ومالقيت غيرها وافكر اشيل الخداديات اللي جايه مع الجلسه واضيف مع المخططه بني ساده
هذي صورة المقلط من المنتصف
لاتدققون في الستاره لان العمال خربوها ماعرفو يركبونها
ولا ادري متى بيجون يعدلونها
طبعا الجدار رش سكري
وهذي الصوره مقابل الصوره اللي قبلها من جهة الباب
ابي اخذ رايكم كيف ازين هذي المنطقه؟؟؟ وش احط فيها
وهذي صورة فراغ بين الجلسه والجدار وحطيت المنديل عشان تعرفون كم مقاس الفراغ
كيف استفيد من هذي المنطقه الضيقه احط فيها شيء؟؟؟ ولا اخليها فاضيه؟؟؟؟
وهذي الصوره لزوايا الجلسه الثنتين ومساحتها مثل ماهو باين في الصوره مقارنة بمقاس المنديل وهي عباره عن خشب يعني قاسيه اقدر احط عليها تحف بس وش احط؟؟؟
وش اللي يناسب الجلسه؟؟؟؟
وهذي صوره للخداديات اللي اشتريتها من اخر فرصه
مناسبه؟؟؟ طبعا هذي المستطيله
وهذي صورة الزل
انا معتمده على الله ثم عليكم ما اعرف شيء في التأثيث
دججججججججججججججججججه
يااااااااااارب تساعدوني ولكم جزيل الشكر مقدما
واي استفسار انا جاهزه>>>> ماخذه مقلب في جلستي مصدقه نفسي انها حلوه هههههه
بالنسبه لهالجدار شوفي مجموعة الافكاار هذي ممكن تسوينها
حلوه هالارفف تناسب عندك مرره وتحطين عليهاا الاكسسوارات تفااحي واخضر وبني
شوفي بالزاويه ممكن تحطين مثل هالاضاءه الطويله فيه انواع تكون قاعدتهاا مرره رفيعه تكفي بالمكان الضيق
وحتى حركة الارفف الكبيره رووعه لو تحطينهاا بالجدار الفاااضي
اتمنى تعجيك الصور والافكااار