ساعدوني في نومة بنتي الي بتجنني

بدري عليها تو الناس
ماتقدرين تتحكمين في نومها الا بعد ست شهور
بس كل شهر عن شهر يفرق بتطول في نومتها
يعني كل فتره بتحسين بفرق
الله يعينج

صغيره ماتقدرين تنظمين نومها ممكن بعد خمس شهور تطول بنومتها اكثر وتقدرين تعدلينها

نامي وقومي معها وش تسووووين الى ان يتعدل نومها
واذا تبين تصخينها فكي المهاد عنها وتصحى

الله يعينك في الشهور الاولى صعب تنظيم النوم لكن في طريقك متبعاها مع كل اولادي والحمد لله جابت نتيجه
اول شي خلال النهار خليها فالاضاءه و الاصوات عادي لا تنوميها فالغرفه
ثاني شي من تجي الساعه 11 بالليل حمميها بماي دافي وبعدها ادهني جسمها بزيت اطفال مخلوط معاه قطرات من زيت الافندر ويكون دافي اهم شي ولبسيها الافرول
ثالث شي اذا كنتي ترضعيها طبيعي ظروري الرضعه اللي قبل النوم تشفطين لها الحليب فالرضاعه عشان تاخذ رضعتها كامله وماتقوم كل شوي جوعانه تبي ترضع
رابع شي ادخلي الغرفه وخفضي الاضاءه وشغلي القرآن بصوت هادي واعطيها رضعتها وانتي تمسحين على راسها وتذكرين الله
بتغط في نوم عميق مابتقول قبل 4 ساعات
استمري على هذا الشي اسبوع وبعدين راح تتعود تنام في هذا الوقت

انا كنت زيك وامي علمتني طريقه وفعلا ضبطت معاي
وقت نومها فكييها من اللفه ومسحي وجهها بمويا ولعبي لها مررره ازعجيها وكل شوي غسلي وجهها بمويا ورجلينها ويدينها مسحيها بمويا عشان تصحصح وشخشخي بالالعاب وشغلي اناشيد عشان تصحصح وخليها تكمل الغفوه وشوي ارجعي لنفس الموال لين يجي الليل وخليها تنام النومه الطويله