* ســــــمــــــر* @smr_56

عضوة نشيطة

ساعدوني في هالمشكلة اللي رح تدمر حياتي وسعادتي

بسم الله الرحمن الرحيم

السلام عليكم ورحمة الله

جاية لكم وانا اشيل بصدري وقلبي هم كبير

واكتب لكم وانا كلي قهررررررررررر من مشكلة

تواجهني من ثالث سنة بزواجي تقريبا

هذي المشكلة رح تقضي على حياتي

على علااااقتي مع زوجي وحبه لي

على سعادتي وتربية عيالي

واتمنى بعد الله الاقي عند اخواتي الحل

اول شي انا امراة عمري 32 سنة

معلمة

متزوجة وعندي خمس اطفال

وكنت قبل الزواج حليوة حبوبة وعايشة في بيت

بدون خدامة وكلي نشاط وحيوية

وكنت اداوم الجامعة وارد ماااااااانام تخيلو

واليوم الثاني اداوم وكلي سعادة ونشاط

المهم

مشكلتي حاليا تتمثل في

الكسللللللللل

والله يا بنات صار لي متزوجة عشر سنوااااات

ما ادري اشلون زوجي متحملني

يا بنات اذا جلست مكاني مستحيل اقوم او اتحرك

خلاااااااص اذا جلست جلست

اتخيل نفسي طححححححلب من كثر الجلوس

والله عيالي يبكون يتضاربون اقعد اصيح مكاني كني عجوز يفلااااانه

الخدامه جيبي فلان وهي بوسط شغلها

وزوجي يناظرني باحتقار واحيانا يصيح ما يتحمل ويقول قومي انتي

تحسبوني احس على دمي اتجاهل واقعد اصيح لحد ما يخدموني

صار زوجي يكره طبعي وكسلي وصار اذا احتاج شي ما يناديني ينادي الخدامه واذا مشغولة يطلب من عيالي الكبار

وانا لا واذا قلت له اش تبي يقول واش الفايدة اصلك بتطلبين فلانه وانتي مكانك

والله لو اجلس ساعات مكاني عاااااااادي عندي

المشكلة انه زوجي بدا يصرح ويقول والله لاداويك بالثانيه

يا بنات مسكين ماهو بعايش

والله لو يتزوج يجن جنوني

بس ما ادري اش فيني

قولولي حالتي طبيعية والا لا

تطورت الحالة وما صرت اطبخ

كل شي معتمد على الشغالة وكل شي في المطبخ على كيفهم

واذا طبخت مره بالشهر احس اني مررررره فرحانه ونفس الاكل غيييييييييييير

وتمتلي عيوني دموع واقول ليتني كل يوم كذا

وذا اشرفت على النظافة يوم يطلع كل شي يهبل

اهلي واهل زوجي كارهين طبعي ومقهورين

وحتى عيالي اظلمهم معاي لاني اهملهم بسبب هالمشكلة

والله يا بنات ما اكذب الكل يشهد على جمالي وطيبتي

بس اش الفايدة اذا المرة كسوووولة وباردة وغبية

حتى زوجي ما صار يعبرني

ولا يقدرني او يحسب لي حساب

ما الومه

مالي دور في حياته ولا شخصيه

وكله بس قااااعده في غرفة الجلوس

والله يا بنات مقهوووووورة ومتعقدة

بيت اهلي زمان كان معتمد علي الين تزوجت ما فيه خدامه

وبعد الزواج بسنتين ما ادري اش صار لي

يا بنات تكفون املي فيكم بعد الله

اعطوني أي حل

شي اكله اواشربه ينشط

رقية وصفة

دعاء

اييييييييييي شي يغير هالواقع الاليم

ولا تستهينون في المشكلة وتقولون ما عندك سالفة

ترى والله هالمشكلة خطيرة على المتزوجات

يلزم عليك تسجيل الدخول أولًا لكتابة تعليق.

تسجيل دخول

ام رها • 13 سنة

اللهم إني أعوذ بك من العجز والكسل والجبن والهرم والبخل000
الحل بيدك مافيك الا العافية -
بس يبيلك كم قرصة في اذنك يمكن تلقين نفسك في يوم تزفين زوجك لزوجته الثانية السنعة الي تقوم بواجباتها على اكمل وجه-

عيالك بتندمين على الاوقات اللي ضيعتيها بدون ماتتقربين لهم هم امانة عندك ادي هالامانة على اكمل وجه علشان بعد مايحاسبونك على هالاهمال-
اصحي شوفي البنات وشلون يسوون مع ازواجهم-
اكثري من الاستغفار والحقي نفسك -

الجود 22 • 13 سنة

رفع

الله يعينك

رسل1 • 13 سنة

ام رها :

اللهم إني أعوذ بك من العجز والكسل والجبن والهرم والبخل000 الحل بيدك مافيك الا العافية - بس يبيلك كم قرصة في اذنك يمكن تلقين نفسك في يوم تزفين زوجك لزوجته الثانية السنعة الي تقوم بواجباتها على اكمل وجه- عيالك بتندمين على الاوقات اللي ضيعتيها بدون ماتتقربين لهم هم امانة عندك ادي هالامانة على اكمل وجه علشان بعد مايحاسبونك على هالاهمال- اصحي شوفي البنات وشلون يسوون مع ازواجهم- اكثري من الاستغفار والحقي نفسك -

اللهم إني أعوذ بك من العجز والكسل والجبن والهرم والبخل000 الحل بيدك مافيك الا العافية - بس يبيلك...

كلااااااامهاااااا صح

العذوب ~ • 13 سنة

اتوقع حسسد

الله يكفينا

و ربي يساعدك

قولي لا حول و لاقوة الا بالله

حكاية غلا.. • 13 سنة

لاحول ولاقوة الا بالله
الله يهديك ياختي تعبك وشفاك منك انتي ليش تسببين على نفسك وعلى زوجك وعيالك بالمشاكل افرضي لو سمح الله الشغاله اللي معتمده عليها سوت حاجه بأكلكم وسوت شي بعيالك وربي لتندمين على نفسك
قومي الحقي زوجك وعيالك انا ادري بتعبين بظهر بحكم عملك بس نامي شوي الى العصر واصحي شوفي ترتيب بيتك ذاكري لعيالك سوي قهوه لزوجك اضحكي والعبي معاهم حتي يحسو انك امهم والله لوجيتي للواقع الشغاله هي امهم لانها هي اللي تشيل وتربي وفي مثل قالوة شيبانا الكبار مو امك اللي جابتك امك اللي ربتك
وبكذا انتي سويتي فجوة لزوجك انه مايحبك وعيالك يعتمدون على غيرهم الله يصلحك نشطي جسمك بذكر الله والاستغفار سوي لك تمارين خفيفه لتتنشطي وتحركي الدورة الدموية وقوووووووومي قبل لاتندمي على نفسك...