ساعدوني ~~ قاعة في جده

كنافه :

هلا وغلا اختي بحثت لك وطلعتلي هالردود شوفي احسن شي في البوفيه وصال في سن سيت انا يوم شبكتي كنت ححجز هناك بس بطلنا عشان مانبغا نكبر الشبكه بس مافيهادرج!! يعني البلكونه مي فوق البلكونه تحت بس مرتبه القاعه وحلوه شوفي صورها في النت والقاعه كبيره والطاووس برضو حلوه وكبيره وبلكونتها السقف حقها احسو واطي ولمن تنزلي من الدرج الناس مايشوفوكي لانو الدرج من ورا يعني ماينشاف بس برضو حلوه ومرتبه وفاراساي مو متااكده منها اظن هيا الي كولها مرايات مو حلوه! ورمادا لأ هادي اقل شي بس انا ماشوفتها..بس الافضل وصال او الطاووس! قاعة سن سيت مو حلوة لأن فيها عواميد كبيره والدار البيضاء حلو البوفيه تبعه لكن القاعة مو ذاك الزود افخم قاعه هي الطاووس والوحيده اللي فيها بلكونه الافضل قاعة قاعة ((الطاؤوس)) بفندق أوركيد وبعدها قاعة فراساي في الدار البيضا : قاعة ليلة العمر السعر يشمل البوفيه ل 270 حرمة والمعجنات والشوكولا والكوشة والحلويات وكيكة العروس الشاي والعصير والقهوة والخدمة السعر : 30 الف 2: قاعة ليالي الكريستال السعر بس ايجار القاعة 35 الف مع الشاي والقهووة والعصير تكفي 600 سيدة 3: قاعة رويال السعر بس ايجار القاعة 45 الف اخر الاسبوع و 35 الف وسط الاسبوع مع الشاي والعصير والقهوة تكفي من 600 - 800 سيدة خدي اوركيد طبعا بدون اي تردد اهم شي انو فيها بلكونه وثانيا القاعة مررررة فخمة وبالنسبة انك تاخدي الاكل وترجعي مش مشكلة كبيرة وعموما مافي قاعة كاملة كل قاعة اللا ماتلاقي فيها عيوب بس نصيحة انا حضرت فيها كللها , اللي لفت انتباهي بس اوركيد بالتوفيق يااااارب بسم الله نبدأ ... قاعة ليلة فرح ..الاولى اللي جنب الاروجوان .. كلمت اركاديا الصراحه من اروع واحسن المجموعات حقت تنسيق الافراح والملكات والمناسبات ... مررره متعاونين ويفهموكي في كل شي .. ×××××× تمنع الروابط على العام وطلع يتعامل مع قاعة ليلة فرح . وجاب لي هيا ب 35 الف ... بوفيه الرجال 20 متر ل200 رجال ... و150 حرمه + 50 مجانا وبرضو البوفيه 20 متر .. طبعا المنيو الاول .. وما ادر اش فيه ... ومع العرض كوشه+ستارهخاصه للكوشه + المدخل+ الممرات+ السلم + المسكه+ سبتات ورد الرش + جميعماذكر ورد طبيعي + كاسه العروسة حلا الطاولات بوتيفور+ معجنات + ورد طبيعي لكل طاوله + علبه مناديل منسقه حسب الطلب المصورة تصويرديجتال في البوم 20صوره فندق الواحة وعندهم 4 قاعات ... شهرزاد والاندلس واوبرا وايليت ... وحسب طلبي على عدد المعازيم ودرج الزفه قاللي اللي تنفع .. قاعة شهرزاد للحريم مع الاندلس للرجال ... ويعطوني هيا ب 26 الف شامل كل شي بدون كوشه ولا حلا الطاولات ... وادا اخدت الاندلس وايليت .او الاندلس مع اوبرا .. راح يعطوني هيا ب 29 الف برضو من غير الكوشه ولا حلا الطاولات ....وعندهم عروض عالكوشه والحلا لما اجيهم راح يتفاهمو معايا.. وشكلهم كدا حبوبيين وممكن ينقصو بالسعر ... انا حبيت قاعة اوبرا مرره حلوه قاعتها لاتنسينا من دعواتك بالسعاده

هلا وغلا اختي بحثت لك وطلعتلي هالردود شوفي احسن شي في البوفيه وصال في سن سيت انا يوم شبكتي كنت...

كلمات ^ :

في قاعات كثيره ماشاء الله  سمايا ومسايا وقاعة رهام والفلاح بس والله ماعرف اوصف وين هي  وهذول كله بالجنوب

في قاعات كثيره ماشاء الله  سمايا ومسايا وقاعة رهام والفلاح بس والله ماعرف اوصف وين هي  وهذول كله...