"ود"
شكرا عزيزتي، وإن شاء الله الأخوات ما بيقصرون بالردود

الايام75
الحلبة أعرفها ، أما الرهش فلا أحبه بل أكرهه بشدة
وعن حليب الصدر وفائدته للاحتقان صراحة أول مرة أسمع فيه، بس إن شاء الله بجربه
ومشكورة يالغالية

همســ حب ــة
أول مرة أسمع عن عصير المنجا، بس بجربه خصوصا أني أحبه، بس من ربيت ولا شربته مرة تصدقين عاد
وأنا بعد أفطرت في رمضان 20 يوم، بس مأخرة الصوم علشان الصغير أخاف ينقص عليه الحليب بس شكلج شجعتيني أصوم لأن الحليب ما نقص عندج
وبالنسبة لعصير المنجا ما ينفع غير الطبيعي والا لازم طبيعي؟
وشكري العميق لك

والله اختي انا ماجربت الا الطبيعي غيره مادري ينفع ولا لا.
وانصحك صومي الحين ترى والله بعدين يصير النهار طويل وهذاك الوقت اللي راح تخافين ان الحليب يجف.
تصدقين باقي لي 5 ايام الحمد لله.

دعواتي لكم يااخوات وقلبي معكم ...

مرت علي فترة وبدا ينشف حليب صدري لما كنت ارضع ابني ...
لما لقيته خف قلت مافي فايدة خليني ابدا بريجيم احسن وكان البرنامج اول يوم فاكهة وتاني يوم خضار ..
وصدقوني اني تفاجات انه رجع حليبي ينزل متل اول اسبوع بالولادة ورجع متل ماكان فعليكم اخواتي بالعصيرات والفواكة الطازجة وخاصة عصير البرتقال والعنب .
والحلاوة الطحنية مدرة للحليب ..
واتمنى يفيدكم هذا الرابط ..

http://forum.hawaaworld.com/showthread.php?threadid=136913

ولاتنسوني من دعواتكم وادعو لي ربنا يسهل ولادتي

اختي عروبة
طفلك مايرضع من صدرك اليمين يمكن لانه مايقدر يمسكه لان حلمة الصدر تكون مابرزت الى الخارج....حاولي تلمّسين(حلمة الصدر)يعني زي المساج فهمتي علي؟!واستمري بتمرير يدك عليها ومحاولة اخراجه الى الخارج بالمساج بيدك ..عندها قربي طفلك وخليه يمسكها ويرضع..
اذا الحليب مره متحجر ومضايقك اشفطيه بالشفاطه واذا خف قربي الطفل ورضعيه
طريقة المساج هذي مره فادتني مع اولادي والحمدلله..ان مافهمتي علمين..