المها_07 @almha_07
عضوة جديدة
ساعدوني قبل اتورط
السلام عليكم يابنات قولو لي حل بسرعه قبل اتورط انا قبل رمضان خطبت لولدي من ناس بس مالله كتب نصيب المهم فيه وحده من جماعة البنت اللي خطبناهم تدخلت فالموضوع وقالت اعرف ناس روحو لهم واخطبو منهم قلت كيف اخطب من ناس انا ماعرفهم قالت انا اتدخل فالموضوع واتوسط بينكم المهم راحت وكلمتهم قالت في ناس يبغون يطلبون يد بنتكم ورحت انا تقدمت خطبت منهم انا والله اول مره ادخل بيتهم وماعرفهم واول مره اشوفهم وكنت متردده وخايفه وقالو حياكم الله بعد رمضان نرد عليكم انا والله ماني مرتاحه للهزواج مدري ليه سبحان الله يمكن لإني ماعرفهم ولا اعرف بنتهم ولا اعرف اخلاقهم ولا اي شي ماني مرتاحه للهزواج بهالطريقه وتدخل برضو رجال من جماعتنا بس بعيد شوي ماهو من نفس القبيله وطلع متفق مع هذي الحرمه المهم ماني مرتاحه بعد لهذا الرجال والحرمه واكتشفت انهم داخلين على طمع ويبغون فلوس مو لله الحرمه هذي اللي هي الواسطه تتصل علي والله طول رمضان حتى والناس تعبد ربي مارتحت لاتصالاتها حاولت اطنشها زادت حالتي النفسيه وقلقي المهم هذول الثنين استغلو نقطة ضعفي وراحو يتصلون على اهل العروسه ويتصلو علي حتى بالمواضيع الخاصه والتحاليل تدخلو فيها .. يلا متى تملكون؟ وسوو التحاليل بسرعه انا بصراحه قابلتهم يوم قابلتهم اخلاقهم عاليه وناس مبين عليهم محترمين والبنت ماشفتها زين بس لحد الآن متردده خايفه من الغش هم يعرفون اني ماعرف احد اخطب منه كل اللي اعرفهم ماشاءالله كلهم متزوجات او انهم بنات صغار وغير كذا عرفو اني ماني اجتماعيه وقليله زياراتي للناس مع انه ولله الحمد انا من قبيله معروفه .. ايش رايكم بهذا الزواج ووشهو الحل للي زيي وكيف اسأل عن البنت لأني ماعرف عنهم شي ولا اعرف احد يقرب لهم والمشكله انهم حددو الشوفه !وسؤال اخير كم عمر الزواج للولد؟ وشكراً مقدماً❤
7
3K
يلزم عليك تسجيل الدخول أولًا لكتابة تعليق.
كيف حكمتي عليهم داخلين ع طمع .. اي احد يبي يتزوج طبيعي حيشوف حالتكم الماديه وع اساسها يوافقوا او لا
انتي استخيري وخلي الولد هو الي يقرر اذا مرتاح لهم او لا يشيل هم معك مو انتي بس الي تشيلي الهم هو اش رايه وايش يبغى
والسن المناسب مو محدد حسب عادات كل ناس او تربيتهم لما تشوفي ابنك مؤهل للحياه الزوجيه وبيتحمل زوجه تشاركه كل شي وتقاسمه تفاصيل حياته فممكن من سن مبكّر يتزوج ومن وجهة نظري المناسب ٣٠ هالزمن لان الوعي الكامل للشباب نادر ما يتحصل قبل هالسن
كمان احكمي براحتك شوفي اذا التصرفات مو مريحه ومافي قبول نقطه مهمه تحطيها قبل تقرري لان هذا توافق بين عائلتين اذا من البدايه فيه توجس واختلاف صعب يتم باريحيه او دون مشاكل لاحقه
وربي ييسر لك مافيه خير يارب ويقر عينك بأبنائك
انتي استخيري وخلي الولد هو الي يقرر اذا مرتاح لهم او لا يشيل هم معك مو انتي بس الي تشيلي الهم هو اش رايه وايش يبغى
والسن المناسب مو محدد حسب عادات كل ناس او تربيتهم لما تشوفي ابنك مؤهل للحياه الزوجيه وبيتحمل زوجه تشاركه كل شي وتقاسمه تفاصيل حياته فممكن من سن مبكّر يتزوج ومن وجهة نظري المناسب ٣٠ هالزمن لان الوعي الكامل للشباب نادر ما يتحصل قبل هالسن
كمان احكمي براحتك شوفي اذا التصرفات مو مريحه ومافي قبول نقطه مهمه تحطيها قبل تقرري لان هذا توافق بين عائلتين اذا من البدايه فيه توجس واختلاف صعب يتم باريحيه او دون مشاكل لاحقه
وربي ييسر لك مافيه خير يارب ويقر عينك بأبنائك
استخيري وادم مو متطمنه كنسلي وذا بتخطبين مره ثانيه مو تدرعمين علي ناس ماتعرفينهم ولا قد شفتي البنت المفروض قلتي افكر ب الموضوع وبشوف البنت وبشوف ولدي اذا عجبته او لا يمكن حتى البنت مضلومه هي واهلها مثلك انتي وولد ولا تستعجلين دوري علي البنت اللي تبين وروحي جمعات ودوري علي البنات وعرفي اخلاقهم زين بعدين اسئلي عنهم وخطبي واذا شفتها قولي بنشوف اذا عجبت ولدي نرد لكم والحرمه هذي اقطعيها ولا تردين عليها وخلي علاقتك مع ام البنت علي طول ماله داعي بينكم وسيط او قولي بروح انا والبن مشوار تمشيه لسوق بس لحالنا وخذيها وتمشي انتي وهي وسحبي منها السوالف وروحي لمقهى نسائي وخليها تكشف وجها وشوفيها زين وخذي معلومات منها خليك صريحه معها كم عمرك قد تزوجتي او لا فيك مرض مزمن قد سويتي عمليات وش تحب وش تكره هي طالبه او موظفه شنو شهادتها كيف وضع اهلها عاااادي خذي معلومات عنها واذا ارتحي له علميها عطيها معلومات عن ولدك كم عمره واذا فيه اسياخ برجله لا سمح الله او اي شي يكون باقي بجسمه لا تغشون الناس او فيه فشل كلوي لا سمح الله عشان حتى هي تعرف وضع الولد وتقدره خليك صريحه وخذي منها اللي تبين وتعشو ورجعيها لبيتها عااادي والحرمه ماااااااله داعي تدخل وسيط وتحقق طنشيه لا تردين خلاص هذا ولدك هي وش حاشرها وش وراها وش عندها وش هدفها تمت او ماتمت الخطبه خليها اخرررر من ياخذ الخبر
اكيد ماراح ترتاحين لانك ماتعرفين شي عن هالعايله
فكري مع نفسك واللي تشور عليك نفسك سويه ولاتستحين من احد ...
اهم شي راحتك انتي وولدك هذا زواج مو لعبه
فكري مع نفسك واللي تشور عليك نفسك سويه ولاتستحين من احد ...
اهم شي راحتك انتي وولدك هذا زواج مو لعبه
um joud
•
الان اعتبري نفسك خطبتي بدون واسطتهم
كلمي ام البنت وتواصلي معاها وخذي واعطي واسالي عن فلانة وفلان الي توسط كيف معرفتهم فيهم
وهي اكيد حترد عليك وتستشفي منها بعض الرموز الغامضة الي محيرتك عن سبب الوساطة
بالنسبة للخطبة من ناس ماتعرفيهم..
عادي حبيبتي طالما انهم من عيلة معروفة وناس اخلاق وكرم ودين
الله يوفق بينهم
موشرط تخطبي من اقاربك ومعارفك
اغلب الناس يتزوجو بهذه الطريقة ويتعارفو ويصير بينهم صهر ونسب وبالعكس يكون شيء مشرف لما تتوسع دائرة معارفك ويكون لك ارحام ونسب مع عوايل جديدة عليكم
كلمي ام البنت وتواصلي معاها وخذي واعطي واسالي عن فلانة وفلان الي توسط كيف معرفتهم فيهم
وهي اكيد حترد عليك وتستشفي منها بعض الرموز الغامضة الي محيرتك عن سبب الوساطة
بالنسبة للخطبة من ناس ماتعرفيهم..
عادي حبيبتي طالما انهم من عيلة معروفة وناس اخلاق وكرم ودين
الله يوفق بينهم
موشرط تخطبي من اقاربك ومعارفك
اغلب الناس يتزوجو بهذه الطريقة ويتعارفو ويصير بينهم صهر ونسب وبالعكس يكون شيء مشرف لما تتوسع دائرة معارفك ويكون لك ارحام ونسب مع عوايل جديدة عليكم
الصفحة الأخيرة
حتى اسمها كذب في الأوراق الرسمية شي والاسم الي قالوا شي ثاني
وعمر الزواج للولد اذا صار رجال وقادر يصرف خلاص اهم شي فوق ٢٣ بس لازم يصير متزن.
ولازم تشوفين إلبنت اسالي الي حولك أقاربك جيرانك جماعتك اكيد فيه احد لاتتورطين مع ناس فيهم شي ماتعرفينه. لكن ممكن يصيرون مرة كويسين فاانتي استخيري وادعي لوازم بالزوجة الصالحة الي تسعده وترضيه وتجيك هي بنفسها