ساعدوني قبل لاتجي صلاة الجمعه = اماكن تمشية بالرياض

السلام عليكم ورحمة الله وبركاته

اخش في الموضوع



هاذا ياطويلات العمر من بدت الاجازه والى اليوم ماسافرنا ولاطلعنا نتمشى واولادي ياحرام ممتمللين بشكل مو طبيعي ودايم نترجى زوجي ودنا بتمشيه بس ولا هامه شي


واخيرا وافق انه يطلعنا بكرى وعسى مايصحى من النوم ويهون

المهم هو قالي انا ابنام وبكرى اذا رجعت من صلاة الجمعة ابي تقولون وين تروحون

الحين انا محتاره مااعرف شي بالرياض لاننا جديدين عليه

واولادي يقولون نبي شاليه اواستراحه يكون فيها مسبح

وبعضهم يبون لعب وملاهي

عاد انا نخيتكم تدلوني على شي واتمنى اذا فيه مسبح يكون فيه خصوصيه لاني وبصراحه ودي اسبح
تكفون اخاف لاشاف اننا ماحددنا يقوم يتراجع برايه

تكفون عطوني اماكن وياليت الاسعار او الرقم

ياليت تعطوني افكار علشان ينبسط ابو شباب علشان يبدا يطلعنا
وتكفون الي ماتعرف شيء ترفع الموضوع اهم شيء الى وقت صلاة الجمعه


انتظركم