ساعدوني قبل لا يطير ابو الشباب :(

السلام عليكم ورحمة الله وبركاته...

بنات قبل شوي كتبت الموضوع وعللق وطار <<

خليني اعطيك الزبده على طوول

ابو الشباب مسافر برا بعثه من 4 شهور وانا هنا عشان ادرس منشان هيك مارحت معه

المهم هو زي ماقلت في الموضوع اللي طار انه خاتم باصبعي مو قوه مني إلأ حب فيني

المهم

مشكلتي معاه انه ما يتصل علي قدام احد تقل مب حرمته


ما يكلمني حتى قدام اخوانه ولا أمه ولا ابوه..

يتصل علي آخر الليل اذا خوانه ناموا لأني اذا جيت عند هلي يروح ينام عند اهله

ليه هالحركات مدري

المهم

سافر من هنا واتصالاته قليله كالعاده لأن معاه سعودين اصحابه في السكن

اتصل يعطيني مشغول يقولي احيان بعد ساعه اتصلي

لا تقولون يلعب بذيله لأني دايم اسمع حلوه صوت اصحابه

طبعا لمحت له مره بحب مره بشووق مره بدلع يعني افهمها ترا اشتاق لك وابغى اكلمك

مره من المرات اللي لا يعودها قعدت لوحدي والشيطان جنبي وقعد يقول لي انه ما يحبك وشاف غيرك وانت تركضين وراه وهو ما عبرك

ورحت حطيييت كلام يسم البدن في ايميل وارسلته

اقوله انت ما تحبني وانت ما عندك احساس ولو لي مكان في قلبك كان دورتني وترا انا ما بسألك فيك لين تحس وتسأل هذا اذا عند احساس .... لا وهالكلام بس اللي اتذكره

المهم

قعدت اسبوع ونص ولا أسأل

بعدين اتصلت وما رد ويمكن مليون اتصال ولاااااااا رد

عرفت انه قراها وانه زعلان ارسلت مسجات اعتذار وحب و تركت مسج صوتي

ولا حياة لمن تنادي

بديت اقلق

بعدين رد علي صديقه قلي هو تعبان ومنوم عشان قولونه

زوجي عنده تقرحات بالقولون واعرفه اذا تعب ولازم يياخذ ادويته بانتظام

بسسس طاح قلبي ..قلي شوفي هو اعطاني الجوال وقال رد على اي احد..

وقلي بكره بروح له بعد الدوام قلت اووووكي


المهم قابلت رحيمي في النت عمره 16 سنه وبديت اسأله ها كلمته فلان قال والله مدري امي تكلمه لكن انا لا قلت متى كلمته عمتي قال من اسبوع يمكن

قلت انا اجل من جد الرجال تعبان اعرفه ما يخلي احد يسمع صوتي يغار وهالمره خلا صديقه يرد ؟؟

في نفس اليوم العشا قابلت رحيمي مره ثانيه قال تدرين بعد ما طلعتي اتصل على امي


قلت له كيفه عساه طيب << قلت يمكن خبى عليهم

قال امي تقول تمام قلت طيب صوته قال مدرري بس اكيد تمام دام امي ساكته ليه فيه شي <<< حشرني

قلت لا ابد بس مع اختباراتي ما كلمته انشغلت..


المهم

الحين زوجي قاعد يسوي تمثليه علي ؟؟؟

طيب اذا تمثيليه غريبه يخلي خويه يكلمني


طيب انا في هالحاله وش اسوي

الى الان ما يرد علي حتى صديقه ما عاد رفع الجوال قلي بروح له بعد الدوام وشكله سحب علي

وما اقدر اقول لعمتي اللي صار اخاف انها حركه منه واطلع كذابه بعينهم ولاّ اصغر زوجي بنظرهم ؟؟


طيب اذا زعلان الحين كيف ارضيه ادري ان اللي سويته مب قليل

بس ولو لازم ينشد عني..

وحركته ذي يبي يوصل لي رساله منها وش هي؟؟؟


المشكله لو زعلان اعرفه ما بخليها في قلبه لازم من كم كلمه ييعطيني اياها في عظمي

الحين اللي زوجها قد سوا كذا تفتي لي..

واللي عندها نصيحه تسدحها فيذا...

واللي عندها كلام جارح الله لا يهنيها لا تكتب شي


والله يرزقكم جميع راااااااحة البال والذريه الصالحه ويهدي لكم ازواجكم ويهدي لي اياه ...