~ ساعدوني قررت اغير اسمي رسمياً ~

من زمان وانا اكره اسمي الحقيقي الله يرحمه ابوي سماني هالاسم ومحد بالعايله مسميه 
وانا اسمي عقدني اكرهه حتى ماحب اكتبه ولا افتخر فيه
لما كنت بالمدرسه كنت اتفشل منه
لما اروح عياده وينادوني اوووف ماطيق نفسي والناس تسمعه
لما اشتغلت انحرج من اسمي

هو كمعنى حلو لكن كنطق شين وقديم مايسمونه الا العجز 

كنت متردده في تغييره بس خلاص حان الوقت وبنفس الوقت حاسه باحراج لما الناس تدري اني غيرته هل تشوفونه عادي وحده تغير اسمها القديم ولا فشيله؟؟؟ 

اكثر من وحده قالت لي لما سمعنا اسمك كنا نظن انك عجوز مو بنوته حلوه وصغيره 
اهلي عادي ماعندهم اعتراض لا امي ولا خواتي 
بس ماعرف ليش متردده اخاف اضيع بين اسمي القديم والجديد وبنفس الوقت مافي اسم حلو ببالي ههههه مره اقول ريما حلو 
مره اماني 
ابي اسم مميز مابي اسم مستهلك ملينا من مريم وفاطمه ونوره الخ مابي هالاسامي 
من عندها اقتراح لاسم حلو؟ 

وشنو تتوقعون نظرة الناس لي؟ اكيد بواجه احراج في البدايه لما اقول للي في الشغل انا غيرت اسمي احسها صعبه شوي 
بس اسمي القديم احسه اثر في نفسيتي وثقتي بنفسي ابي انهض من الانهزاميه الي عندي بسبة الاسم ابي افتخر واحس بثقه باسم جميل مانحرج منه احس حتى نفسيتي بتتحسن وبحب نفسي اكثر
وحده حتى تقول لي لو جاك معرس بيشرد من اسمك انتي جميله وناعمه واسمك اسم عجز شجعتني اكثر على فكرة تغيير اسمي