أحلى عيون_البحرين @ahl_aayon_albhryn

عضوة نشيطة

ساعدوني قصتي بالداخل وحسبي الله ونعم الوكيل على من ظلمني وتكلم في حقي

مرحبا خواتي انا في ضيقه وقلت بسولف لكم عشان تواسوني واسمع رايكم

انا تربيت مع خالاتي وكنت اشوف الغلط اللي يسوونه واسكت عرفت اسرارهم وكل شي عنهم اهم في سني كانت امي تحاول تبعدي عنهم بس ماقدرت لاني كنت احبهم ودووم معاهم ...
خالاتي 4 وكل وحده لها قصه ولا قصص الافلام وامي مسكينه ماكانت تبينه نعرف سوالفهم بس انا كنت اتونس لما اعرف سوالفهم وكنت اساعدهم تزوجت وكنت احسهم يجون عشان بس يشوفون شنو عندي وانا فتحت لهم بيتي وكان زوجي يقول لي لا تروحين لهم لان سمعتهم مب زينه كل وحده تزوجت الخاله الاولى تتدخل في خصوصيتي لدرجه محد يتوقعها وانا كنت راضيه علشان اني احبها بس للاسف اكتشفت انها تتكلم من وراي بكلام مب زين والثانيه تزوجت وزوجها كثير يخونها وسبب لها حاله نفسيه وقامت تتكلم عن الكل وتحسدني قدامي الثالثه تزوجت 4 مرات وكل مره تنفصل آخر زوج لها طلقها وتعرف على صديقتي بالصدفه بهدف الزواج وانا ماكنت ادري اسمع صديقتي تتكلم عنه بس ماتوقعت انه يكون طليق خالتي واهني المشكله قامت تحن فوق راسي تخيلو لدرجه قامت ترسل رسايل لاهلها امسكو بنتكم وتراقب صديقتي انا قلت لصديقتي اذا يبيج خل يجي يخطبج بس لا تعطينه مجال يلعب عليج وبنفس الوقت كرهت صديقتي لان خالتي تقول انها راقبت تلفون صديقتي وسمعتها تتكلم علي انا ماصدقت بس قلت خلني ابتعد عن المشاكل............تخيلو قامت تحشي راس امي بسوالف ماصارت ولا استوت وسببت لي مشاكل مع امي بنات اهي صغيره تزوجت شخص خليجي فتره وطلقها بعدين طلعت البلاوي يقول دايما تسوي نفسها شريفه وتسب في العايله تقول كلهم مب زينيين وانا احسن وحده واشرف وحده بعدين اللهم لا شماته زوجها راقبها وطلقها
وآخر شي قامت توزع رقم تلفوني شلون عرفت؟؟؟

قامو يتصلون لي اشخاص وايد وانا كنت مارد قلت لزوجي انت تصرف يعرف شخص بالداخليه سحبوه واعترف قال ان فلانه اهي عطتني الرقم وقالت لي اتصل عشان زوجي يشك فيني تخيلون الحقاره وصلت لوين بنات انا تعبت منهم والله تعبت من مشاكلهم والله العظيم قدامي تغاززل زوجي وتقول جسمك فضيع ولا تمتن وزوجي مايعطيهم وجه تخيلو بس يسألوني اسأله عن زوجي شخصيه وانا الحمد لله ماكنت ارد عليهم وقبل سنهه قامت تجي لزوجي مسجات على تلفونه وانا كنت اتعبث شفت خالتي تبعث له مسجات حب ولما واجهتها تقول على بالي تلفونج وانا اتذكر مره بس اتصلت لها من تلفونه واتذكر قلت لها هذا رقم زوجي لا تدقين عليه انا ماعندي كردت واتصلت لج من تلفونه خزنت الرقم يعني اهي مو قد ثقه وقبل اربع سنين اختها مسكينه دخلت حياتها وكانت تبي تطلق اختها من زوجها وتتزوجه هي بصراحه سوالفهم ماتتصدق بس والله اني صادقه بكل كلمه ..................
بنات قسم بالله انا مابيني وبينهم عداوات بس معقوله الغيره تسوي جذي ترى حتى خواتي مو سالمين منهم بس انا اكثر وحده لاني كنت دووم معهم الكل قال لي انهم يغارون مني ومن خواتي بس مو لي هالدرجه صدقوني اللي يسوونه مو طبيعي اشاعات وكلام فاضي وفوق هذا لما يتهاوشون الخوات مع بعض يتصلون لنا وحده وحده ويطلع الكلام كل وحده تقول فلانه قالت عنج والله تعبوني وانا مرتاحه...
طبعا كل مره يجيني كلام ان فلانه تكلمت ولما ازعل يقولون ليش تصدقين ترى اهي اللي قالت مو انا !!!!!

امي كانت تقول لي انا خواتي حق مشاكل وماكنت اصدق لما كبرت وعرفت

مشكلتي بنات امي تقول لي تركيهم وانا ماطعتها الحين انا والله مابي حتى اسمع اسمهم ماتتوقعون اشكثر طلع وراهم بلاوي الحين قمت اصلي واتحسب عليهم وانا قايمه وقاعده ترى اللي كتبته جزء من فيض ولاني احبكم حبيتكم تشاركوني همومي

تحياتي

يلزم عليك تسجيل الدخول أولًا لكتابة تعليق.

تسجيل دخول

أحلى عيون_البحرين • 15 سنة

بنات ادعو لي الله ينتقم من اللي ظلمني وتكلم فيني ترى تعبت نفسيا وكرهت حياتي:(

shoooqalroh • 15 سنة

الله يعينج ابتعدي عنهم وغيري تلفوناتكم احسن من المشاكل اختي
الله يستر على المسلمين يارب

**[حواء]** • 15 سنة

حسبي الله وهو النعم الوكيل على كل ظالم

اجــوآآن.. • 15 سنة

حيااااااااتي الله ويــــــــــاكـــ
وادعي ربك ان يشغلهن بأنفسهن
ويفكك وشرهم
حسبي الله على كل ظالم بهاالدنيا

LoOoOLoOO666 • 15 سنة

.
.

حسبي الله ونعم الوكيل

وش هالحركات وربي سخااافه وماخلوا شي للأطفال

أنتي أهم شي علمي زوجك باللي صار وعشان لا صار شي لا سمح الله يكون عنده خلفيه ..

وهو خلاااااااااااااااص أبتعدي عنهم والغلط منك من البدايه المفرووض يوم شفتي

وضعهم كذا أبتعدتي من سكات ولا يدمرون بيتك ..

الحين اللي صار صار

أقطعي علاقتك فيهم وريحي نفسك وأرتاااحي ..