ساعدوني قلبي مقهور ودمعتي على خدي

السلام عليكم ورحمة الله

ياعمري أنتِ ، الله يكون بعونك إن شاء الله

والله مالي خبرة في تربية الأولاد الله يصلحهم ، بنااااااات ومهبلين فيني وشلون العيال

لكن شوفي وناأختك ، حاولي معه بإسلوب المكافئة ............سوي له لوحة على باب غر فته وعليها سلم

وأعملي خطوات صغيرة ، وثبتيها من الخلف بدبوس ، بحيث كل مامر يوم من غير مايسوي شيء غلط

يرقى درجة وهكذا ........... وفي أخر السلم أكتبي (( طالب بهديتك من والديك ))

وإختاري له هدية حلوة يكون قد طلبها من قبل ولا شريتيها له

إذا مافااااااااد معه .....................................مافيه إلا العقاب والحرمان

أقصد يعاقب بالحرمان من عمل أشياء يحبها ، أو الخروج مع العائلة

هذا إلي عندي

والله يصلحه ويهديه ويفتح على قلبه بالإيمان وطاعة الرحمن ، ويجعله من الصالحين البارين

:)

الله يعينك

أختي الاولاد تربيتهم صعبه جدا

حاولي تكونين صديقته وتسمعين منه كل شي ولا تعاقبينه كثير بما ان ابوهم دوم يعاقبه

وحاولي ما تنقلين لابوه الا مور العادية

وشجعي الطفل كثير بالتشجيع يمشي

وهدديه بزعل والده كثير وزعلك

والله يعينك

شكرا لك اختي على تجاوبك تصدقين طريقتك هذه اعطتني اياها وحده تدرس في قسم رياض اطفال وسويتها لكن كان صغير تدرين ايش سوى لما مره غلط وكتبت له طبعا علامة خطا رغم وجود علامات صح في السابق قام بعنف بتقطيع الورقه لكن كان هذا من سنين يبغالي اسويها الان اما الاخت ام مسلم فكل ما تقوليه نفذته لكن الله المستعان تصدقون انه الان ومن ليلة البارحه جايبه اخوه عنده عشان يتسلون مع بعض وهذا اخوه من ابوه والله من امس وانا اهدده لو ماتعقل راح امشي اخوك لكن بدون فائده تخيلي اخوه في حاله يلعب ويتفرج على الفيديو وهذا ابني يشاكسه وبستفزه بصوره غريبه حتى انتهى الامر بضربه البارحه وعلى العموم شكرا لتجاوبكم ونصائحكم التي ساضعها نصب عيني

شوفي أختي :
الأولاد أصعب من البنات في تربيتهم وانا مريت بهذي الحاله ابني مرض وطول في المستشفى و كان مرضه شديد
شوي وابوه خاف عليه بالحيل خاصة من قال له الدكتور انها احتمال تكون عين
المهم زوجي بدا يداريه بشكل مو طبيعي و ما يرفض له طلب وكان هو السبب في ان ابني يتجرأعليه في كثير من
الأوقات واذا قلت له كذا ما يصلح يقول لي لا تزعلينه عشان خاطري وكان هذا وعمره خمسة سنوات و اللحين ابني عمره ست سنوات وكم شهر يتجرأ على أبوه و انا لا حتى قام اخوه الصغير يقلده قلت لزوجي هذا من تعاملك معاه
شوف كيف يعاملني بأدب و محبه و احترام و انت لا وقتها لاحظ زوجي خطأه و بدا ما يتهاون معاه طبعا الضحيه
الصغير لكن مع الوقت بدا يفهم الوضع و كثير نجلس معاه انا و ابوه ونكلمه عن فضل الوالدين و الأب و الحمد لله
ابني تحسنت معاملته لأبوه كثير .
عشان كذا أعتقد هو ما يتجرأ على أبوه إلا لإن أبوه يعطيه المجال واذا الولد تمادى معاه ما يكلمه ولا يعاقبه
نصيحه لك اختي خلي ابوه اللي يتدخل اذا الولد تجرأ عليه الأب هو اللي يعاقب وحتى لو يضربه ما يهم
طبعا ضرب تأديب و ليس ضرب تعذيب بصراحه ابنك ما شاء الله كبير ثماني سنوات يفهم معنى احترام الأب و عدم
التطاول عليه .

كان الله في عونك .0
لكن مدام هو ولدك الوحيد اكيد مدللينه زيده
عشان كذا الحزم معه افضل شي قبل ما يكبر وتصبح معاملته اصعب
وثانين الدعاء له بصلاح والهدايه وعدم الدعاءعليه في وقت الغضب

والله يهديه لك