ساعدوني كيف أتصرف؟,, كيد النساء متعطل عندي أبيه بهالموقف!

السلام عليكم

صباحكم سعيد














بدخل بالموضوع على طول ,, جايتكم و أنا خلاص مقفلة معي ماني عارفه كيف أتصرف علما أني في الشهور الاولى من الزواج ,
كل الحكايه إن زوجي يداوم بالدمام وأنا عند أهلي ويجي اربعاء خميس وجمعه وهالشي متفقين عليه ومافيه خلاف ,,و بما أن أمس الاثنين بدأت الإجازة فالأخ ارسل لي رسالة بعد الدوام أنه راح يجي يوم الأربعاء أو الخميس
فأرسلت له بكلمة وحدة (ليش؟) فرد علي من غير ليش؟ وأرسل رسالة أخرى ان مو لازم يقولي التفاصيل وأني كيف أرسله ليش حاف,,
ودقيت عليه بعد كذا المغرب تقريبا وحسيت أنه من الظهر يبفتعل خلاف (عشان ما يروح وضميره مأنبه )المهم أنا سكت ولا رديت عليه وبعدين حس على دمه وقال أنت ليش متصله آمري وش بغيتي قلت سلامتك فأصر قال قولي وش تبغين وبعدين قال راح أجي الاربعاء,,

الزبدة إني شاكة أنه رايح سفرة يومين وما يبي يقولي عشان ما أزعل ,,
وأنا مقهورة مرة شلون أتصرف إذا جاء بكرة إن شاء الله شلون أستقبله
ساعدوني تكفون أنا بطنش وبحط نفسي ماأدري عن شي وبستقبله بكل براءة, و مرة أقول
لأ بواجهه عشان يعرف إني ماني بغبية وإني عارفة إنه مسافر, والله احترت
ساعدوني أبي كيد النساء كيف , للأسف متعطل عندي,
وعندي شيء قاهرني إني أستحي من زوجي
وما تكلمنا مع بعض كلام رومانسي ,اللهم بعض المسجات مني ,فيرد عليها بمسجات رسمية
وسلامتكم أهم شي إني فضفضت لكم