قبل 5 اشهر جبت شغالة اندنوسية معها جوال اخذته منها .. تقول عادي مدام مافيه مشكله ..
حبوبة وماسوت شيء غير طبيعي ..طول فترة وجودها ..
لكنها مؤذيتني ابغى اكلم بنتي اكلم امي ابغى اكلم اخوي ( اخويه عندكم هنا في نفس المدينة ( مرات تقول في الرياض ومرات تقول هنا مرات تقوول زوجي ,, مرات تقول مطلقني بس بشوف ايش اخباره !!!)
المهم خليتها تكلم : اتضح بعد عدة اسئلة مني واخذ وعطى انه ليس باخيها : ( آسف مدام هذا مو اخوي .. هذا زوجي !! وهي كانت تحلف انه اخوها لمدة اسبوع ثم اعترفت !!!
ودقيت لها مرة من جوالي على امها طلعت مهب امها طلعت شغالة تسال تقول اي وحدة ايش اسم الشغالة ؟؟؟يعني : شغالة خبيرة ماسكة مجموعة شغالات وتشغلهم لصالحها ؟؟ ما ادري الله اعلم !!
عموما صرت ما ادق لها من جوالي ..
ولا حبيت اشتري لها جوال ..لا اعطيها جوالها الاساسي لان فيه اكثر من 35 رقم من السعودية ..
وكانت منجنة على جدة لانها كانت مشتغلة فيها ..( بعد ما وريتها تسونامي جدة تخرعت وصرفت نظر )
خليتها تدق من كابينة (مرة واحدة ثم قالت بنتي نايمة ولا قدروا يصحونها لازم اكلم الجمعة الجاية عشان اسمع صوتها !!)
حسيت انها تتفق معهم على طريقة للهرب ..
فقلت في نفسي : اللي انا اسويه ما يغضب ربي .. ولا لها حق تقعد تكلم كل شوي وتضحك علينا وتتفق مع رجال ما ادري وش هم ؟؟
قلت لها انت ايش تبين بالضبط ؟؟ ما تبي تشتغلي عندي قول لي ؟؟ قالت الا ابغى اشتغل عندكم بس بشرط : تخلوني اقابل اخويه .. لما تروحوا مكان , اروح له اقابله واذا خلصنا نرجع ..
بصراحة حسيت انها موب سهلة وخفت منها ,, ومن الرجال اللي زارعين فيها الثقة ..
هي عادية وماهي قوية ولا ضعيفة لكن بعد ما تكلمهم يشحنونها بالثقة !!!
مرت الايام ووهي عادية واحنا عاديين مافيه مشاكل ..شي بسيط جدا لايكاد يذكر ..
لكن لاحظت انها موب حريصة على الاطفال في اللبس والاكل : 0 تتركهم عادي وبصراحة اطفالي يرفضون ) يعني مب منها ..والترتيب لك عليه شويه !!
وكل هذا انا اقوول ماعليش ( اتحمل ,,,احد لاقي اندنوسيات هاليومين؟؟؟)
قبل امس بنتي (7سنوات ) تقول ماما لقيت ريتا تكلم بالجوال فوق بالسطح :وقالت لي لا تخبري ماما !!
انا احبكم وابغى اكلم بنتي الصغيرة واذا سافرت خبري ماما <<<<<وانا ياغافلين لكم الله !!!
فضلت اني ما اواجها لان الامور بتزيد تعقيد وبتختصر وتهرب ..
الاحظها اليوم الصباح لابسه قميص جبته لها من زمان بس الحين قررت تلبسه ليش ؟؟؟
رتبت شغل البيت تمام لكن اختفت بحثت عنها وجدتها في الحمام(الله يكرمكم ) قلت فلانة :قالت نعم انا بطن يوجعني كل شويه اروح الحمام..(قلت في نفسي : ايه هين تبغين تقرين وتكتبين الرسايل على راحتك يالنصابة وفي عز النهار ).
وما حبيت اواجهها لاني ما راح استفيد شيء .. بتعجل في الهرب وانا الخسرانة..
ربما انها تبي تكلم هذا الشخص وتقابله فقط ( يعني صديقها ) ..
اذاكان كذا انا مالي دخل بحياتها الخاصة ولست آثمة اديتها كتب اشرطة ومحذرتها من قبل من الاشياء السيئة.
لكنني محتاجتها مررررة مرررة مرررررة ( موظفة وعندي اطفال رى بعض وشباب بعد في الثانوية والمتوسط والابتدائي ) واهلي بعيدين في مدينةبعيدة عني يعني باختصار ما اقدر استغني عنها
.. فبماذا تنصحونني ارجوكم ...
معلمة متدربة @maalm_mtdrb
عضوة فعالة
يلزم عليك تسجيل الدخول أولًا لكتابة تعليق.
أم معاذ...
•
الله يعين ..مدري وش اقوول
ام رها
•
الله يعينك قرب رمضان الله يبلغناه وبدى موسم النحشات -اهم شيء الراتب امسكيه عنها لانها متى مااستلمته بتنحاش -
عصفففورة
•
الله يكون بعونك .. والله ذولي الشغالات ما تعرفي اش يدور في روسهم
وبعدين وش ذا الهبال تهرب وين تروح ؟؟
الله يكفيك شرها اهم شئ اذا انحاشت بلغوا على طول علشان ما تتحملوا مسؤوليتها بعدين
وبعدين وش ذا الهبال تهرب وين تروح ؟؟
الله يكفيك شرها اهم شئ اذا انحاشت بلغوا على طول علشان ما تتحملوا مسؤوليتها بعدين
ايووووه نسيت اقولكم انها شابه نارعلي تبي راتبها (حق 3شهورثم الراتب الثاني كمان قبل رمضان ابغى ارسله ) هذا الكلام قبل شهرين ارسلناه لاهلها . لكن راتب ماراح اعطيها عشان اضمنها ... ايش رايكم؟؟ ما علي اثم كذا ؟؟ ايش اسوي مافي ضمانات ؟؟؟!!!!!
الصفحة الأخيرة