ساعدوني كيف اتعامل مع اهل زوجي

السلام عليكم مرحبا اخواتي كل عام وانتو بخير بقدوم شهر رمضان المبارك ويبلغكم اياه وانتو بافضل صحة وباحسن حال ندخل في المهم بدي رايكم في طريقة تاعملي مع اهل زوجي وخصوصا والدته جننتني شلون ما عاملتها مو عاجبها وانا طبيعتي قلبي طيب كتير وعفوية وما بعرف اتملق واكون بعشر وجوه وعشر لسانات وحماتي بتحب اللي بيتملقها ويمدح فيها بترفعو لسابع سما واللي ما بيتملقها بتنزلو لسابع ارض ومشكلتي ما بعرف اتملق بيبين تمثيل شو اعمل معاها وباقي اهلو لاني بتعامل معاهم بطيبة بيستجدبوني وبقولو اني مولدنة وما بعرف اتعامل وكلما ما صار مشكلة بيني وبين سلايفي المشكلة كلها بتوقع براسي وبطلع انا سببها وكلما نزلنا اجازة لبلدنا بنقضيها مشاكل بسببهم لدرجة اني صرت اقرف الاجازة عشان المشاكل ساعدوني كيف اتعامل معاهم غير اني اصير بعشر وجوه لاني ما بعرف انفذها