السلام عليكم ورحمة الله وبركاته
شخباركم يالغوالي كل عااام وانتم بخير
بصراحه ماعرفت احترت اي قسم اسدح موضوعي مادري اذا بموقعه
المهم بغيت احكي لكم عن قصتي صارت لي واحكموا على الموقف منو الغلطان
طبعا انا طالبه جامعيه ادرس ف سنه3 امشي ويا بنتين ف الجامعه بما ان الجامعه مختلطه ماقدر امشي بروحي
بالممرات وتدرون بالشباب وتعليقاتهم المهم ف يوم كان عندنا اختبار بنص الاختبار صدت علي وحده من رفيجاتي من يلي امشي وياهم تبيني اذكرها بقانون بالماده وخبرتهاا بس انا من زماان كان خاطري اصارحها واواجها لان كل مانمشي ويا بعض يقعدون يرمسون عسب ما اسمعهم بس انا اسوي طاف دايما بس واايد اضايج من هالحال
وخصوصا ان ماعندي احد امشي وياه غيرهم المهم نرجع لموقف الاختبار لما خبرتها بالاجابه عرفت ان اختبارها غير
عن اختباري بس سالتها سؤال كنت ابي اعرف ردها قلت لها اول اجابه شوو ردت علي انتي نفس اختباري قلت لها ايه
نفس اختبارج تتوقعون شنو سوت سلمت ورقتها للمستر واطلعت يعني تجاهلتني وانا قاعده انطر ردها
بامانه شي مو يقهر طبعا انا عصبت ووتذكرت كل يلي سوته لي وانا صابره اقول يمكن مايقصدون رحت لها عقب
الاختبار وواجهتها وكان ردهاا(والله انا ماانتبهت لما انت كلمتيني)))!!!؟؟
يعني بذمتكم شو اسوي وياها اشلوون ماانتبهت واهي سالتني انت نفس اختباري والله شي مايدش العقل موول
احين خلاص انقطعت علاقتي فيها وكرهت الدوام يالجامعه احين وحيده وماعندي ولا صديقه بتقولون بتحصلين لكن
تخصصي مافيه بنات وايد ويلي عندنا كل وحده عندها رفيجه انا الوحيده بينهم ماعندي احد ارجووكم ابي احد يساعدني يقول لي شنو اسوي ماقدر اظل بدون صديقه كل يوم اقعد ابجي واخبر ماما بكل يلي يصير لي
بس تعبت وربي تعبت ومليت من هالحال ..
السمووحه منكم ع الاطاله بس فعلا محتاجه احد يقول لي شنو اسوي ماعندي احد غيركم
بعد الله سبحانه ..الله يسعدكم يارب ويسر لكم امووركم
لاتنسوون يلي يدش يرد علي ولو بكلمه ...
آلام الصمت @alam_alsmt_2
عضوة جديدة
يلزم عليك تسجيل الدخول أولًا لكتابة تعليق.
اموره الدبدوبه
•
الله يفرج همك بس حبيبتي انا فهمي عل قدي انتوا بالاختبار وتسألينها عن الاجابة يعني تبينها تغششك اذا كذا بصراحة مالك حق تزعلين لانو من غشنا ليس منا واذا عادي يعني وقت محاضرة يحق لك تزعلين بس مو لها الدرجة اللي تخليك تقطعين علاقتك فيها وشو تخصصك ((وحدة ملقوفة))واذا خلاص مامنها امل تعرفي على غيرها بشكل غير مباشر يعني روحي للبنت اللي تحسين قلبك ارتاح لها واطلبي منها اي شي محاضرة قلم كبداية لتعرفكم وبعدين خوذي واعطي معها بجد لالو صديقاتي لما كنت بالكلية الكلية بتكون موحشة بس يالله ان شاء الله تلاقين الصديقة المخلصة يارب
نحن بالاختبار وقت المحاضره هو عادي بس نتناقش فيه اهي سالتني وجاوبتها انا كنت مخلصه وحاله اختباري الحمدلله بس كنت ابي
اختبرها ابي اعرف ردها لي وللاسف تجاهلت وخلت روحها ماتعرفني
تخصصي هندسه ..المشكله ان ما ف بنات بتخصصي وكل يلي اعرفهم عندهم اصدقاء يعني ماقدر ادش عرض بينهم
فدييتكم اتمنى تفهمووني ..
تسلمين امووره اديتج اسعدني مروورج ...
اختبرها ابي اعرف ردها لي وللاسف تجاهلت وخلت روحها ماتعرفني
تخصصي هندسه ..المشكله ان ما ف بنات بتخصصي وكل يلي اعرفهم عندهم اصدقاء يعني ماقدر ادش عرض بينهم
فدييتكم اتمنى تفهمووني ..
تسلمين امووره اديتج اسعدني مروورج ...
مولازم صديقه قبل ماتطلعين من البيت قولي الاذكار واذكار الخروج من المنزل وش تبين اكثر من الله يكون معك ويحميك
اممم العريفي والشيخ ابن باز الله يرحمه افتوا ان الجامعات المختلطه حرام..
انا كنت بجامعه مختلطه عقب طلعت بسبب هالفتوى...
عالعموم..
الزمي الاستغفار..
انا كنت بجامعه مختلطه عقب طلعت بسبب هالفتوى...
عالعموم..
الزمي الاستغفار..
مولازم صديقه قبل ماتطلعين من البيت قولي الاذكار واذكار الخروج من المنزل وش تبين اكثر من الله يكون معك ويحميكمولازم صديقه قبل ماتطلعين من البيت قولي الاذكار واذكار الخروج من المنزل وش تبين اكثر من الله يكون...
تسلميين غلاتي ربي يسعدج يارب
الصفحة الأخيرة