عفوية صريحة :

اولا شوفي الرجال يختلفوا في مشاعرهم و شخصياتهم عن بعض مو شرط اللي صار مع غيرك في الملكة لازم يصير معاكي ترى جد ما يسبب المشاكل في فترة الملكة الا المقارنات اللي مالها داعي فلانة خطيبها يكلمها و انا لا ...فلانة خطيبها يسمعها كلام حلو و انا لا...فلانة خطيبها يجيب لها هدايا و انا لا...الخ نفس الموال يتكرر دايما من البنات ثانيا لو ما يحبك ما كان سأل فيكي و كلمك و كل ما بغيتي شي اعطاكي بس هوا شكلو من النوع الغامض و هذا يمكن اللي يخليك منتي عارفة كيف تتصرفي معاه .. و بالنسبة لتعلقو الزايد حابة اقولك انو تعلقو في اخوانو و كلامو انهم ما يتعوضوا هذا ناتج عن حزن كبير في قلبو لما فقد ابوه و امو و ما قالك هالكلام الا يبغاكي تفهميه و تحسي فيه و تعلقوا في اختو كمان لانو يشوفها في منزلة امو هذي الشغلات محد يلوموا فيها ...اذا بعض الشباب متعلق في اهلو و هما على الحياة فمابالك باللي فقدهم اكيد بيكون تعلقوا في اي شي يخصهم يكون اكبر ثالثا اذا منتي مرتاحة و تحسي انو لازم تخلصي الموضوع انصحك تكلميه في الموضوع مرة ثانية بهداوة و تقولي لو يا فلان انا بصراحة يعجبني فيك حبك لاهلك و اخلاصك لهم بس ما ابغى هذا الشي ياثر على حياتي معاك اذا قلك نفس الكلام و انو ااستحالة تجي في منزلة اهلي قولي انا ما طلبت اكون في منزلة اهلك انا اللي اطلبو منك انك ما تهتم في جانب و تهمل جانب ثاني يعني مثل ما اهلك لهم حق فيك حتى انا لي حق فيك و قولي لو انا احبك و احب اهلي بنفس الوقت و صعبة اهتم في جانب و اتجاهل الجانب الثاني ترضى لما تجي عندي اطنشك و اجلس مع اهلي يعني تقريبا كلام زي كذا باسلوبك انتي و ان شاء الله تتفاهموا

اولا شوفي الرجال يختلفوا في مشاعرهم و شخصياتهم عن بعض مو شرط اللي صار مع غيرك في الملكة لازم...