ساعدوني.. كيف احمي مهري؟

السلام عليكم اخواتي

هذي اول مشاركة لي في منتداكم واتمنى ما تطنشوني وتزعلوني منكم

انا كنت دائما لما ابحث عن حلول لمشاكلي يطلعي منتداكم واقعد اقرأ في نصايحكم واستفدت منها كثير الصراحة

وانا ذحين ابستشيركم في أمر

بس اسمحولي اول اعطيكم نبذة عن تاريخي من باب الفضفضة ويمكن تقدرون تساعدوني اكثر

اتمنى ما تتجاهلوني ولا تخلوني اندم اني فضفضت لكم واطلعتكم على حياتي وافكاري

انا بنت اساسا من القرية واهلي قرويين لكن نقلت مع أهلي للمدينة وعشت فيها عمري كله وتلقيت تعليمي كله فيها الين ما صرت استاذة بفضل من الله ونعمته

والدي – سامحه الله – فيه صفة الطمع وحب المال لكنه طيب في المقابل وما ياخذ شيء بالقوة واذا البنت تمسكت بموقفها ما يضغط عليها

مشكلتي اني ضعيفة أمام ابي واخاف اكلمه لاني كنت حساسة جدا منذ الطفولة وأبي كان دائم الصراخ والعصبية

أبوي كمان من صغري مآخذ عني فكرة أني ضعيفة وكان يستولي على بعض ممتلكاتي وأنا صغيرة ولما صرت في الجامعة كان يستولي على جزء من مكافأتي

الحين انا توظفت وبدأ يخطط يآخذ راتبي ويبغاني آخذ قرض واجيبله سيارة واسدد بعض ديونه الي هو بإمكانه تسديدها بكل سهولة ومتى ما شاء (لأن عنده مصادر دخل كثيرة) مع العلم انه يتسلف عشان يزيد من ثروته!!

من هذي النقطة لا تخافون يا اخواتي لأني تغيرت تماماً والحياة علمتني كثير واكيد ابعطي والدي مصروف شهري ثابت وقدره 1000 ريال.. لكن ابدا مارح اسمح له يستغلني ولا بسدد ديونه ولا باخذله قرض، حتى توصيل مابخليه يوصلني لمقر عملي عشان لا يلاقيها فرصة ويوقفني عند الصراف متى ما بغى فلوس!!

أنا مو خايفة على الراتب أنا خايفة على المهر

أكرر أنا خايفة على المهر

ابوي – زي اغلب الآباء الغير متعلمين – يعتقد بأن مهر البنت هو حق كامل له... واذا بيعطيني رح يعطيني جزء يسير منه وبيحس ان تكرم علي بالمبلغ الزهيد هذا.

مثلا لو مهري 60 بيعطيني 10 وهو ياخذ 50..!!

انا ما ابغى ابوي يآخذ ريال واحد من مهري ولا حتى ربع ريال للأسباب التالية:

1. مهري حق لي وهذا اللي تعلمته في المدرسة.. الزوج يستحلني بالمهر أجل اروح لبيته وأنا مكسورة لاني ما اخذت مهري كامل!!

2. ابوي حرمني من اشياء كثير مو بس ماديه حتى العاطفة ما كان يحبني ابدا حتى المناداه احيانا يناديني "هذي" أو "انتي" ولا كأن عندي اسم.

3. ابوي يعتقد اني غبية وضعيفة من يوم كنت صغيرة واني مارح افلح في الدراسة واني ما اصلح الا لشغل البيت والزواج.. حتى حاول يزوجني وانا عمري 12 سنة :icon33: وحاط آمله كلها على اخواتي الباقيات وبعد المعاملة هذي اخليه ياخذ مهري.. لا والله.. ما اخليه ياخذ ريال.

4. ابوي كان يحاول يحطمني طول عمري ويقولي اني دائما رح افشل في كل شيء اسويه، لكن بفضل الله صمدت وكافحت الين ما تخرجت وتوظفت وظيفة أحلامي.. صح ما أنكر انه ساعدني.. لكنه انسان بوجهين اذا فشلت أنا مو بنته وأنا فاشلة وأنا وأنا.. واذا صار عندي فلوس أنا بنته واحسن وحدة في الدنيا!!

5. حطوا نفسكم مكاني: أنا كافحت في الحياة وتحملت الفقر كثير – يوم كنت صغيرة فساتيني مقطعة ولا عندي العاب زي البنات ولا مصروفي كافي وما عندي بكلات وجزمات حلوة ولا كنت اروح لأي مكان حتى ملاهي مارحت في طفولتي– كنت طول عمري اقل من البنات في كل شيء وذحين حتى مهري ما اتهنى فيه واشتري فيه الي ابغى!!

6. أبغى مهري كامل عشان اتجهز لـ (شريك حياتي) وابغى اوفر جزء منه عشان نسافر برى.

7. من يوم ما عرفت ابوي وهو مقصر في حق بيته وحق عياله، كان يمر علينا الشهر واحنا ما ناكل الا رز بصلصة والحين رمانا في ديرة لا فيها بقايل سنعه ولا مستشفيات ولا صيدليات ولا اسواق ولا حتى مدارس ومستولي على السيارة ويرفض يوديني اي مكان. حتى راتب التقاعد والضمان وغلاء المعيشة وتجارته الخاصة كلها مستولي عليها وما يعطينا الا بالقطارة وذحين يبغى راتبي ومهري. راتبي اقدر احميه بس مهري كيف أحميه؟؟

8. لا تقولون عندك راتب والله بيعوضك.. لان راتبي بيروح في تحسين اوضاع عائلتي السيئة بسبب اهمال ابوي وكمان لاني في ديرة مافيها أي خدمات وبالتالي ما ني مستفيدة من راتبي شيء!

انا طبعا لسى ماتزوجت ولا أخواتي الي اكبر مني ولا اعرف كيف يتم الزواج ولا مراحله ولا شيء عن طقوس الزواج!

قولولي متى بالضبط يندفع المهر؟ قبل العقد ولا بعده؟ ولا متى؟ لان هذي المعلومة بتساعدني كثير فالتخطيط لحماية مهري.

كمان ساعدوني يا بنات هل عندكم طرق وافكار احمي فيها مهري .. خطة أو فكرة او اي شيء أضمن فيه اني ابوي ما ياخذ ريال من مهري..

لا تبخلون علي ولا تستخفون بمشكلتي.. وشكرا حبيباتي