بعد ما طاح الفاس بالراس وصار كل شي ما بعاتبك واقولك غلطانه
الحين ارجعي لزوجك واقنعي اهلك باي طريقه
صدقيني اهلك بيصرفو عليك شهر شهرين بعدين ما بيتحملو
ورح تندمي كثير

لاحول ولا قوة الا بالله

الله يرحم ضعف العجوز المسكينه ، والله ان ولدها كفو ،، انا اشهد انها ربّت

واضح انه رجال من ظهر رجال .. ما حذف امه عشانج ولا بيفرط بعياله عشانج

و الله انه رجل ناااادر بس سبحان الله شوف بيد من؟!!! خايفه من الطلاق ... لانه رجال ما يتعوض

استغفر الله العظيم و اتوب اليه

طيب علمي ابوووك انك دفيتي أم زوجك
خليه يدري ان الغلط راكبك من راسك لين إرجولك
والله لوزوجي منتفني تنتف واقوم ادف أمه ويدري أبوي أن ابوي يتفل في وجهي ويقطعني ويرسلني لزوجي بأكياس نايلون
ثانيا ماشاءالله وش هالرجال اللي له نفس يرجع وحده دافه أمه..عجيب والله!!!!!
تدرين يالغاليه أنا شايله ام زوجي على راسي طبعا هي موساكنه معي بس تزورني كثير واحبها وهي تحبني حيييل
والله اني من عرفتها مسجله رقم جوالها بإسم(أمي2)
ومرة قالت كلام تمزززح وانا نفسيتي كانت زفت وعندي ظروف صحيه وفهمت كلامها انه دقه ورديت عليها 
واحلف لك ردي ماهومسبه بس اني رديت بعصبيه ورفعت صوتي شوي..وزوجي كان جالس ..تدرين وش سوا زوجي
قال انتي طااااالق إجمعي قشك بودي امي وارجع اخذك لأهلك وقال مالك قعده عندي
ووالله ودا أمه وبالسياره تحلف عليه ورجع لي وهي تدق عليه تبكي وترجاه وتقول اصلا انا ماسمعت ام بيتو وش قالت لي..ولولا الله ثم امه كان والله مايخليني دقيقه عنده ...على ان ياما صارت بيني وبينه مشاكل بس ولامرة وصلها لطلاقي إلا بذاك الموقف..

اختي بكون معك صريحة معليش لاتزعلي مني بس والله العظيم لمصلحتك وعيالك وبس ماعلي من زوجك بالطقاق في الرجال انا ماخاف عليهم...
انتي غلطتي في ردك ع زوجك يوم قلتي تعال ربي عيالك...زوجك انسان عنده دوام ويحتاج ياخذ فترة راحة ونوم والمفروض قد ماتقدري توفري له الجو المناسب ...مو تقولي تعال و ربيهم ومش عارف ايش...باين من كلامك ان زوجك اول مرة يظربك يعني هذا شئ مو من عادته بس انتي الله يهديك طلعتيه من طورة...خصوصا اذا جا الرجال من دوامه يكون تعباااان واي شي ينرفزه
وبعدها دخلتي اهلك على طول في المشكلة وهذا خطا منك....انا ماقول عادي الرجال يظرب لا...اللي اقوله عطيه فرصة هالمره وهدديه لو باقي كررها راح تدخلي اهلك..
زوجك باين ندمان
جيته لعندكم وتفقده لاحتياجات عيالك ترا ماعاد تلاقيها في رجال هذا الزمن
ياكثرهم اللي يرمي عياله ولاعاد يسال فيهم
اللي ابغا اقوله باين انه انسان ان شالله مستقيم ويعرف اللي له واللي عليع
ارجوك لاتخسرينه وتفرحين الشيطان والشماتين
اربعه الله يحفظهم لك وين بتودينهم
اهلك ان جاملوك وعيالك شهرين الشهر الثالث بتشوفين وجه اخر متهم
العيال مالهم ولا يتحملهم الا بيت ابوهم
زوجك احسه من النوع اللي يقدم الخير ويصبر واذا ماشاف نتيجه بيسوي شي راح تندمي طول العمر عليه لاسمح الله
اذا عندك عم اوخال له كلمه عندك ابوك اطلبيه يتدخل بين ابوك وزوجك الله يوفقك
ومافيها شي اشرطي وعلى حظرة رجال ماعد يمد ايده
الله ييسر امرك حبيبتي وطمنينا عليك

اسمحيلي،،لو بداك وفضلك على امه ماهو برجال
وابوك غلطان في كلمته،،غلط كبييييييير،،كيف يطلب منه شقه لحالك،،يعني يرمي امه بالشارع

ياليته ماقالها
لكن كون انه يضربك هذي انتي تأدبينه بطريقتك،،وهو كان معصب وقتها وضرب عياله
اهلك كبرو الموضوع
انا ضد ان الحرمه تضرب الا على شيء كبيررررر

لكن انتي عارفه عصبيه زوجك خليه لو يقطع عياله مالك شغل،،الا مايندم مليون مره


الحل الان،،تقولين لامك بطريقه ولا اختك تتكلم مع ابوك،،بخصوص امه،،والشقه لانه طلب مو معقول،،،ياناس ولدها الوحيد،،سألتك بالله طالعي بعد 40سنه وتخيلي نفسك مكان الام،،،هل ترضين حرمة ولك تسوي فيك كذا

المهم ،،تواصلي مع زوجك مثلا خلي احد من العيال يدق بطريقه،،،ويجي يعطيك التلون بالغلط المهم مايبان انك انتي دقيتي
والكلام حيجر بعضه

فهميه انه غلط بضربك،،وانتي كمان غلطهي يوم دخلتي اهلك
لكن موقف ابوك طبيعي
ومثلي على بنته مثال لو زوجها ضربها،،كان حيجي طاير

ولاتشدي مهاه ولا ترخي ،،خليك مستمعه
وحاولي يجيبلك اي شيء قدام اهلك،،،
وبنفس الوقت شفي احد من اخوانك عاقل ومو حق مشاكل يلين راس ابوك

الله يهديكي ويهدي ابوكي شكله مره شديد