ساعدوني كيف ازرع فيها الامل بالله ..

عليكم السلام


أول شي لازم تعرف إن كل م يصيب الإنسان ف هو خير له وربما فيه رفعة ودفع بلاء عنه




والله م حرمها من شي أو أخره عنها إلا لحكمة نجهلها ومايعلمها الله سبحانه وتعالى .. وربي يختبر مدى صبرها وإيمانها




كل تأخيره فيها خيره وماندري عن المكتوب جايز م عند الله أعظم وأفضل من اللي تتمناه .. أنصحيها إنها م تمل وتيأس ( إن الله لا يمل حتى تملوا )




ولا تقول يارب أنا دعيت وانت م أستجبت ف الدعاء إما يُعجل ويستجاب لها أو يدخر الى يوم القيامة أو يرفع الله عنها البلاء

اعرف وحده سوت مثل ماقلتي عشان تتزوج صديق اخوها كانت تحبه حب بالسر وكانت البنت عفيفه متدينه كانت تدعي 7سنوات تتزوجه بالحلال وربك ماكتب هي تزوجت وهو تزوج ولاحد علم بسرها الا الله ثم صديقاتها وبعد سنين تقريبا 8سنوات توفي في حادث سياره ولديه 3 اطفال وترملت زوجته والله انها تحكيني تقول خيره اني ماخذته على حبي له لو تزوجته ومات وش بيصير فيني لعل الله ادخر لي الدعوات في الاخره او صرف عني بها اذى لان الدعاء له ثلاث حالات اما ان يستجاب من وقته واما ان يدخر لها في الاخره فتاتي يوم القيامه وتتمنى لو انه ما استجيب لها دعوة قط واما ان يدفع عنها الاذى ....صديقتك محتاجه بعض الوقت فقط وستجدين الامل يعود لها اخبريها تقراء سوره الكهف اليوم جمعه وتتامل في قصه موسى والخضر وتعلم ان الله جعل لكل شيء سببا

جزاكم الله خير اغلب حكيكم قلته لها والله يصلح الاحوال

عاد بها لنقطة بالذات لو كان رضيت فيها وقالت يارب مايجي منك الا الخير والله ربي ليرضيها


قوليها ربي عارف وش في قلبك
ربي غني عن عباداتنا ذي كووووولها لكن يختبرنا وعشان يكون الشخص على بينة من نفسه ربما جاه الامر معاكس هنا تطلع حقيقة كل واحد فينا اذا كان صادق والا المسأله مجرد كلام باللسان ماوصل منه شي للقلب


يعني لما الشخص يتعبد لله ويسوي كثير امور لله عشان غرض ومايصير ذا الغرض ويتوقف عن كل شي ؟
يعني هنا هو كان يسوي ويبغى الامر تبادل مصالح تعالى الله عن ذلك


عيب الشخص يعبد الله لمصلحه وهو غارق في نعم الله اصلن بس طبعا معمي على عينه


الله اكرم من ان يصدق العبد معه ولا يرضيه
لا؛ لا ؛الله اكرم والله


قوليلها ُتري الله من نفسها خيرا واوعدها بترضى
ولا تكن من الذين يعبدون الله على حرف


احب الشخص اللي يدعي الله بحسن نية وتمر السنين وتلاقيه بنفس الحماس بنفس احسان الظن والدعوة يكررها نفس ماهي بدون يأس بظنك هذا الله يرده؟!!!
لا والله الا بيعطيه ماتمنى واكثر بعد
لكن نحن قوم مستعجلون


وعقليتنا محدوده دايم نظن الخير في ماتشتهيه انفسنا عقولنا ماعنده القدره على استيعاب ان الله تدبيره اقوى واحكم


الشر اللي يجينا دايم نلاقيه بعد السنين هو بداية الخير اللي بنعيش فيها لاحقا


لو عندنا حسن ظن بالله والله مهما صفقت فينا الدنيا نحس براحه وسكينه ورضا عن الله


لأن الله هو الاحكم والاعلم والا حنا عباد مساكين فقراء نظن اننا نفقه كثير ولكن في الحقيقه حنا جهلاء الا من شي كشفه الله لنا واراد لنا تعلمه


قوليلها تعيش حياتها وترضي ربها عشان انه ربها مو عشان انه يحقق لها شي وبعدها اذا ماصار تركت كل شي


الله ييسر امورها ويرزقها حسن الظن به

كلامك جميل ومقنع الله يرضى عليك
راح انسخه لها وتقراه حرف حرف وانا ذكرت انها لازالت تذكر الله لكن ليس كالسابق في داخلها انكسار وضعف الله يبعد عنها وعننا الشيطان الرجيم ووساوسه ..
شكرا لك وجزاك الله خير الجزاء