حواء1401 @hoaaa1401

عضوة نشيطة

ساعدوني كيف اقنع زوجي بالتحلل

أنا متزوجه من سنتين ولم يحدث حمل ورحت للدكتورة بل 4دكتورات ودكتور المهم كل مره يكتشفون شي فيه
اول وحدة قالت دورتك ماهي منتظمة بعطيك منظم 6اشهر الاقرص البني والابيض واخذتها ولم يحدث حمل
والثانية تقول وزنك زايد لازم تنزلين وزنك عشان تحملين وفيه اسمن منى وحملو يا ناس صح انا اعترف اني سمينهوزني 120كيلو قول ما شاء الله المهم استمريت على الرجيم شوي وطفش رجالي وقال نا ليش تزوجتك عشان تطبخين كل اللى نفسي فيه وماتحرمين نفسك اذا ماتاكلين معي لا تطبخين انا بوح للمطعم واريحك المهم شاكل مالها اول ولا اخر ترك الدكتورة ورحت للثالثة
قالت هرمون الحليب عندك 41خذي خافض للهرمون عبارةعن 8حبات نص حبة يوم بعد يومين يعنى حبة في الاسبوع ولي شهرين وانا مفحطة في الخافض وبعد ماحللت طفشت من الانتظار ورحت دكتور
قال تعالي 2يوم من الدروة اشوف التبويض ورحت ما يتكلم الا انت طيبه وسليمة ما شاء الله يمكن يبي نفسيتي ترتاح مدري كبت لي كلوميد 4ايام حبة مساءا وحبة صبحا وبعدها 4ايام ابر تفجير هذا كله على اساس الكذبة اللى كذبها زوجي يقول للدكتور انا سويت تحليل وسليم 100% ساعدوني كيف اقنعه يحلل لي سنتين وانا بحب رجلة يحلل يقول ايوة واذا جاء يوم الذهاب للتحليل يسوي منسيات وليلة حمراء ويخرب كل شي طبعا عارفات قصدي لا زم يروح للتحليل ويكون ممتنع عن الجماع 3-4ايام وهو يخربها يقول يالله نبدأ من جديد وهذي حياتي معه فيه طريقة اعرف انه سليم ولا لا في البيت والا جهاز من الصيدلية سااااااااااااااااااااااااااااااااااااااااااااااااااااعوديني الله يرزقكم الجنة

يلزم عليك تسجيل الدخول أولًا لكتابة تعليق.

تسجيل دخول

(خلودةةة) • 12 سنة

معليش اختي بس احتماال كبير يكون امحلل ويعرف شو المشكلة ولا وده يخبرك
عشان ما تتضايقي

!!** اميرة **!! • 12 سنة

هذا مثل زوجي كلو مرة يأجل التحليل

مع انة متزوج وعندة بس مو متحمس يحلل

تدرين اخر شي الدكتورة رفضت تعطيني علاج تقول لين يحلل

يمكن المشكلة فية

ومااخدت هالشهر

ويارب احمل من دون علاج

اقولك طريقة

اذا رحتي للدكتورة وهو معاك طبعا قولي للدكتورة تعطيك ورقة التحليل للزوج وطبعا يكون ماصار جماع لمدة 3 او 4 ايام

واذا اعطتك الورقة قولي للممرضة زوجي برة وهذا اسمة نادية وخلية يروح المختبر

طبعا بينحرج و بيحلل

هذي طريقة سوتها وحدة اعرفها وطلع زوجها فية عقيم مع انة كان رافض يقول مافيني شي

الله يرزقني وياك بالذرية الصالحة

ام ريتااال • 12 سنة

سبحان الله

**عاشقة الحياة** • 12 سنة

شوفي تبين الصراحه

ماشالله تبارك الرحمن وزنك مرررررررررره زايد اقل شي لازم تنقصين 40 كيلو عشان تفكرين بالحمل

يمكن فيه شحوم حول الرحم ومقفله على البويضات لازم تحاولي تسوين رجيم

وموشرط رجيم حرمان لاء

افطري طبيعي مع زوجك بس فطور صحي يعني سوي لك بيض مسلوق مع جبن ابيض او صحن سلطه خضرا او جبن شيدر قطعه صغيره او شويه فول وكذا مع خبز بر

والغدا كلي من غداكم بس قللي الكميه ولمن تطبخي قللي المقليات والدهون والزيوت في الطبخ لمصلحتكم انتو الاثنين

والعشا لاتتعشي تعشي زبادي وفواكه او عصيرات او ممكن سلطه خضار مع جبن وكذا

صدقيني وزنك راح ينقص بس اهم شي الاراده

بخصوص تحليل زوجك

شوفي انتي يوم تروحين المشفى جيبي ورقه التحليل وعلبه التحليل الي يحطون فيها العينه وخذيها معاك البيت

وخليه يسوي التحليل في البيت وعلى طول يقوم يوديها اقرب مشفى جنبكم او مستوصف
يعني مايخذ 10 دقايق في الطريق وتكون العلبه محكمه الاغلاق ومغطى بكيس مو شفاف
اذا مافي مشفى جنبكم مشكله الله يعينك تقنعيه يسوي التحليل

حواء1401 • 12 سنة

تسلمون خواتي على الردود الطيبة يارب ترزقني الذرية الصالحة ومن يتمنى

ياقلبي اكلي صحي مثل ماقلتي مبعده عن الدهون والنشويات والسكريات والمقليات وكل شي ثقيل لكن يمكن الوزن من كسل الغدة الدرقية اخذ لها علاج من عند دكتور الباطنية نسيت اقلكم عليه كنت اخذ25 ومن اسبوع زود الجرعة عشان وزني مانقص 50 ادعولي راسي يوجعني من كثر الفرفرة على المستشفيات الله يخليكن ادعو في ظهر الغيب الله يستجيب خاصة اني توني طربت ابرة تفجير الله يتمم على خير اول تجربة لي وان شاء الله يحقق حلمى بالتوم ولد وبنت او ولدين يارب الناس اكلو وجهي وحرقو دمي