ساعدوني كيف انتصر على افكاري

السلام عليكم

بنات انا تعبانة حيل حيل تعبانة وربي البيت تعبانة من ذا التفكير
عندي احساس قهري مو براضي يروح مني ، خلاص بموت من التفكير
ياربي اشفيني احس نفسي مريضة نفسيا
مشكلتي اني اخاف على بنتي انه احد يضرها ، يجيني تفكير غصب عني انه احد يضرها او يعمل فيها شي وهي صغيرة ما تعرف وشو هذا اللي بيصير لها
احس بغصة في حلقي
احاول اشيل التفكير من راسي يا ناس ماني بقادرة
بس اتخيل انه بنتي احد يضرها او حتى يشتمها او يكرهها وهي تناظر خايفة وحزينة
كن صورتها الحين قدامي
بتضحكون علي بنتي توها ما كملت 4 اشهر ، ماتفهم شي بس التفكير اللي براسي مو راضي يروح مني

خصوصا اهل زوجي يكرهوني ، احس دايم انهم بيضرون بنتي
عمتها الكبيرة مسكاتها دفشة لبنتي احسها تبي تمشعها ، وتعطيني نصايح فيها ضرر لبنتي تحسبني ما افهم لأني ام جديدة
وغير باقي عماتها يسكتون عليها يوم يشوفون تعاملها مع بنتي فيه مضره ، يكتمون عليها ماكن صار شي
قصص كثيرة صارت يطول شرحها الحين بس انا صرت ما اعطيهم بنتي لو يحبون السما ، عرفتهم خلاص
بس انا كله اتخيلهم يضروها او يعملون فيها شي ، او حتى غيرهم
بس اتخيل اشياء غريبة ، مثلا اتخيل احد يتحد عليها عشان يضروها او يأوذها
اتخيل احد يخوفها ، احد يضربها ،بتحرش فيها، اتخيل اني ما اقدر ادافع عنها ، والله انا ورب البيت اكبر خوافة بالدنيا
اخاف ما اقدر ادافع عنها ، اخاف البنت تدمر يصير فيها شي

بخلي بنتي دايم معاي ، بس التفكير مو راضي يروح مني

يارب اشفيني انا احس اني مريضة ، فيني شي ما اقدر اشيله من راسي ، زاد هالتفكير من شفت تعامل اهل زوجي لي ولبنتي

كيف اقدر انتصر على افكاري ، كيف اقدر احمي بنتي منهم ؟ كيف وكيف
ساعدوني قلبي تعبان

كلامي مخربط ادري بس يارب تحسون فيني قلبي يوجعني