بليز ساعدووني انا متزوجة من شهرين وموظفة وعندي بيت لحالي بإإجار والبيت كبير
دوونمي من ساعه 8 الصبح لين 5 المساء ونفس الشي زوجي وما عندي اجازة غير الخميس والجمعه وبالخميس نسير بيت اهله واحيانا بالجمعه بيت اهلي
من ارجع من دوامي اقعد اسوي العشى واغسل الصحون واحيانا اغسل حمام غرفتي ف اسبوع مرة بس اضايج منه لانه كله شعري بالحمام الله يعزكم
واحيانا بليل اغسل ملابسي واحيانا اكوي واحيانا احس نفسي تعبانه ومالي بارض اسوي اي شي بس اضايج حيل من بيتي
احس احيانا انا بروحي زوجي من يتعشى يسير عند ربعه انا يا يوديني عند اهلي يا انا ارفض وايلس بيتي عشان ما اكون بروحي ف البيت
احس بالمسؤوليه واحس ما فاضيه حتى حج نفسي
الصبح اقوم اسبح واصلي واسير المطبخ اسوي الفطور وارجع اتلبس ونفطر وطالعه لدوام
الله يفتح عليكم ساعدووني نصحوني ما عارفه كيف انضم وقتي حتى صرت ما احب حد يزورني احس نفسي ما فاضيه
حاسه بخنقه
يلزم عليك تسجيل الدخول أولًا لكتابة تعليق.
ابرايه
•
روحي عند اهلك يوم الاربعاءمن طلعتك من الدوام الين الساعه عشرة ونص ويم الخميس اتغدي عند اهل زوجك وارجعي من عندهم العصر واذا رجعتي واعدي شغالة بالساعات خليها تنظف البيت وانت شغلي الغسالة واغسلي في نفس الوقت اللي تكون فية الشغالة وانت نظفي غرفتك وخليها هي بس تنظف الحمامات والصالات والمجالس والمطبخ ويوم الجمعة استمتعي باجازتك وحاولي طول الاسبوع ماتركنين شي اول باول
السلام عليكم
اختي حاولي تشتري الأجهزه اللي تخفف عليك الشغل مثل غسالة الصحون والغسالة الأتوماتك والنشافه ومكنسة السيراميك
موفقه
أشهد ان لا إله الا الله وان محمداً رسول الله
اختي حاولي تشتري الأجهزه اللي تخفف عليك الشغل مثل غسالة الصحون والغسالة الأتوماتك والنشافه ومكنسة السيراميك
موفقه
أشهد ان لا إله الا الله وان محمداً رسول الله
فرناز
•
الله يعينك ويسهل عليك كل صعب
اكنسي البيت ومسحيه ومسحي الاثاث مره بلاسبوع وحاولي تحافظين على نظافته
اما الاماكن المستخدمه مثل الصاله والاسياب يوم تكنسين واللي بعده لا ،،عشان تتفرغين في اليوم اللي ماتكنسين فيه وتسوين العشاء حق يومين مثلا مكرونه وصينيه خضار طبعا الصينيه على الثلاجه عشان بكره.
باختصار خلي يوم للطبخ ويوم للتنظيف
المطبخ لاتجمعين فيه مواعين غسلي اول بأول وحافظي على نظافته..
وسوي لك كشنه وفرزنيها للحاجه..
وفي وقت فراغك سوي بعض الاكلات اللي ماتتغير بالفريزر عشان تسهلين عليك بعض الايام.
حمامك غسليه يومي واخلطي صابون وكلور بعلبه وخليها بالحمام واي وقت تدخلين غسليه على سريع.
غسل الملابس وكويها انا اشوف انك ماتجمعين اول بأول عشان ماتاخذ من وقتك.
ولاتنسين ادعي بسجودك ان الله يعينك .
وترى الاجهزه توفر كثييييير من الوقت وتختصر الشغل ،،
حاولي حسب المقدره توفرينها .
اكنسي البيت ومسحيه ومسحي الاثاث مره بلاسبوع وحاولي تحافظين على نظافته
اما الاماكن المستخدمه مثل الصاله والاسياب يوم تكنسين واللي بعده لا ،،عشان تتفرغين في اليوم اللي ماتكنسين فيه وتسوين العشاء حق يومين مثلا مكرونه وصينيه خضار طبعا الصينيه على الثلاجه عشان بكره.
باختصار خلي يوم للطبخ ويوم للتنظيف
المطبخ لاتجمعين فيه مواعين غسلي اول بأول وحافظي على نظافته..
وسوي لك كشنه وفرزنيها للحاجه..
وفي وقت فراغك سوي بعض الاكلات اللي ماتتغير بالفريزر عشان تسهلين عليك بعض الايام.
حمامك غسليه يومي واخلطي صابون وكلور بعلبه وخليها بالحمام واي وقت تدخلين غسليه على سريع.
غسل الملابس وكويها انا اشوف انك ماتجمعين اول بأول عشان ماتاخذ من وقتك.
ولاتنسين ادعي بسجودك ان الله يعينك .
وترى الاجهزه توفر كثييييير من الوقت وتختصر الشغل ،،
حاولي حسب المقدره توفرينها .
طاسة خبز
•
بالعكس وضعك مب صعب ولا شي
توك عروس وما عندك أطفال
عندك بس مشكلة في تنظيم الوقت
أنا لو مكانك جان اتلذذ بتنظيف وترتيب البيت
وأخليه جنة
خذي لج لفة في المنتدى البنات ما قصرو حاطين
طرق تنظيم عجيبة وأختاري اللي يناسبج
بالتوفيق إن شاء الله
توك عروس وما عندك أطفال
عندك بس مشكلة في تنظيم الوقت
أنا لو مكانك جان اتلذذ بتنظيف وترتيب البيت
وأخليه جنة
خذي لج لفة في المنتدى البنات ما قصرو حاطين
طرق تنظيم عجيبة وأختاري اللي يناسبج
بالتوفيق إن شاء الله
الصفحة الأخيرة
انا وقتي كله بالعيال
ان شاء الله يساعدونك اهل التجربة