ساعدوني ..كيف تقضي على الفراغ بالغربه

وعليكم السلام ورحمة الله وبركاته..

تعالي معايا قاسميني شغلي ..تصدقي اني كنت زيك فاضية على الاخر والان مافي وقت احك راسي..

روحي المركز الاسلامي في منطقتكم راح تلاقي كثير من المسلمات بدهم يتعلمو عربي حاولي تتفقي مع كم وحدة يجوك على البيت تعلميهم عربي ..

اشغلي وقتك بالقراءة عن الدعوة وكيفية دعوة الجيران وابدي بجيرانك وحاولي انك تعطي صورة مضيئة عن الاسلام..

تجمعي انت والاخوات العربيات ونظمو درس اسبوعي كل اسبوع وحدة تجيب موضوع مفيد وتقرأه على الباقيات ..

ممكن تنظمي لك جدول لحفظ القرآن اذا ماكنت حافظته ..او مراجعة اذا كنت حافظة..وهذا البرنامج جميل جدا http://www.reciter.org/recitera.php

الله يشغلك في طاعته يا اختي ..وشي اخير اذا عندك هواية مارسيها ونظمي لها وقت ومكان في بيتك وربي يفيدك ..

بس يا اختي العزيزه ليس بقربي ولاعربيه ثانيا كيف اعلم الاجانب الغه العربيه وانا لا اجيد اللغه الانجليزيه انا لو شفت عربيه وحده اشيلها غصب بيتي اضيفها حتى نتعارف بس عسى خير اما النقطه الثالثه فهي جيده جدا وان شاء لله ابدا بحفظ القرآن على الاقل ارجع ببلدي فخوره اني حفظت شيئا ليس بالهين اشكرك جدا جدا نصيحتي

مرحبا اختي من الغرب .كيفك اش الاخبار .ان شاء الله تمام عندما قرات موضوعك حسيت انك تتكلمي عني لان وضعي مثل وضعك تصوري لايوجد اي عرب حولي. كل الي ساكنين حولي انجليز و لي سنه على هذا الحال و لكن الله يعين حاولي تستفدين من وقتك بالقراء و متابعة البرامج المفيده و حاولي تتعرفي على الي حولك علشان تطوري لغتك الانجليزيه انا استفدة كثير لاني تعرفت على كذا اجنبيه و تطورت لغتي . والله يعين ان شاء الله .حابيت اسال انتى في اي دولة ساكنه .

والله ياأخوات الانتظام مع المركز الاسلامي يعلم اللغة ويشغل الوقت ..

انا كنت ميح في الانجليزي او يعني نقول 2% وبعدين جات سكنت جنبي وحدة مسلمة امريكية وكل يوم نطلع انا وهي نلعب اولادنا وتطورت لغتي كثير بسبب القعدة اليومية دي ..

وبعدين تفجرت الهوايات من جديد وفعلا ما الاقي وقت اروح المركز والا اسوي هوياتي والا اخرج امشي مع ولدي الصغير والا الدروس الاسبوعية والا اكتب منهج تعليم القراءة العربية لابناء الجالية العربية ..

هي طبعاً ما جات مرة وحدة لكن بالتدريج والان كله تجمع..

انا ماني قاعدة استعرض عضلاتي بس قاعدة احط افكار لشغل الوقت في شي مفيد ..

كمان المنتدى مليان اشغال في قسم التجارب والحلول هي كانت اول شي وقعت عليه وشغلني كتير ..

تذكرت شي اثر في حياتي اول ماجيت كان ولدي عمره سنتين بدأت اعلمه القراءة ..نعم القراءة وتعلم عدد كبير من الكلمات والان ماشا الله ولدي يقرأ عربي وانجليزي بشكل جيد جدا..عمره 8 سنين ونص .

الطريقة كانت اني اكتب له الكلمات بخط كبير واضح في ربع ورقة الطباعة العادية ..وكل يوم ازيد كلمة..

بعد ما اعد الكلمة ارفعها قدامه واقرأها 5 مرات ورابعض ..وبعد مدة ارجع اقرأها 5 مرات تانية ..وعلى هدا الحال كم مرة في اليوم وكنت اسويها كتير وبعدين جبت له شنطة صغيرة يجمع فيها كلماته ..وكل ما جانا احد جاب الشطنة وبدأ يقرأ ..:)

هذه الطريقة قرأتها في مجلة وقرأت انها ممكن تستخدم مع الطفل في عمر 6 اشهر..

واعتقد انها موجودة التفصيل في قسم الطفل ..ان شاء الله ابحث لكم عنها

اخت يسرى وحمرة الورد انا في بريطانيا في اسكتلاندا بالضبط ابردين سؤال لكم هل يوجد مركز اسلامي قريب منا ؟ اما للجيران غسلت يدي منهم ولله حاولت بس تكلمي مين حجر هم بيردوا بس بتكبر ما اعرف على ايش طبعا الناس تختلف وهذا حظي مع الجيران وشكرا على كل من حاول مساعدتي