ساعدوني ....لا استطيع فهم ابني

السلام عليكم....اكتب هنا اخواتي بعد ان عجزت ان اجد الطريقة المناسبة عن كيفية التعامل مع ابني المراهق . المفيد ابني عمره 17 سنة يدرس ثانوي متفوق جدا في دراسته عندي غيره 3 بنات وولد .مشكلتي معاه اني ايام الاجازة والعطل اخليله اللاب توب مثله مثل اخوانه ولما تكون دراسة اخبي عليهم اجهزتهم عشان دراستهم واولادي كلهم متفوقين ماشاء الله عليهم .....ابني مدمن على الكمبيوتر وا.نا متاكدة انه عنده بنات يتواصل معهن مقدرتش امنعه استعملت كل الطرق الا اني فشلت . ابوه مقاطعه ليه شهر او اكثر لايكلمه ابدا انا في مد وجزر معاه . صلاته اللي كانت تقريبا دايما في المسجد اصبحت نادرا ما اشوفه يصلي.كان عنده جوال لكن في يوم عصبت عليه كنت اكلمه وهو مشغول عني بجواله ما دريت بنفسي الا لما خطفته منه وكسرته عالجدار.لكني رجعت اشتريتله لاب توب جديد.اقولكم حاجة ثانيه عنه ابني كدددددداب كدددددددددددددداب كدب لدرجة اني عمري ما نصدقه في حاجة ابدا...لكنه حنون جدا ودموعه قريبة وعنننننننننننننننننننيد.عنننننننننننننننيد انقوله شرق يغرب. المهم الويكند قالي ماما خليلي اللابتوب شوي انا قتله دراستك اهم مثلك مثل اخوانك اهتم بدراستك وفي الاجازة الجهاز ليك قام هو يصارخ وانتم تعاملوني زي البنات ممنوع ممنوع ممنوع لاسهر لا جوال على فكرة نحنا مانعينه يسهر برة بعد الساعة9 .خايفين عليه من رفاق السوء..المهم هو قام يصرخ وقالي انتي محروقة على دراستي انا حسيبها وراح تشوفي ..وثاني يومكان عنده دروس خصوصية قمت نوضت الصبح ما حبش ينهض ونامانا زعلت عليه ولي يومين مانخليلوش اكل....و****معاش عارفة اتصرف معاه هو يعاند وانا عصبية وابوه برةالموضوع ....الحكيمات انصحوني