شوفي على حسب الجو عندكم حر-غبار بداخل البيت افضل جو حلو وصحو بالحوش
جيبي كيك وعصير ومن محلات البلاستيك او ابو ريالين الصحون والملاعق والكيسان الي تجيك باشكال حلوه للاطفال عليها رسومات وجيبي بخاخات الخيوط والثلج من ابو ريالين وبس يكفي فرحتها بس وسوني وفديو وحركات وبس اهم شي البساطه وبس

سويتها بالمجلس زينت المجلس بالزينه طبعا كل شئ موفرته بساط الريح الله يجزاها خير(انا ما جبت الا الكيك والعصير) يعني فكتني من اللف بالاسواق من هدايا وزينه وفقرات مسابقات مع مستلزماتها وطريقة لعبها (المسابقات افضل بالحوش اذا عندكي وعلشان يلعبون بالبخاخات )وبطاقات الدعوة لكل طفل تطبع لكي صورة ولدكي عليها شوفي الموضوع اللي نزلته تستفيدين اكثر وادعي لي.

بالتوفيق

يا بنت الحلال كل خربطة الحفلات حقت الأطفال مالها إلا مشوار واحد لمكان أسعاره معقوله
شارع السويلم مليء بالألعاب المنوعة والهدايا البسيطة الجميلة
ولو حبيتي هدايا حجمها كبيرة وجودتها أعلى تلقينها عندهم على 70 و 90 زي كذا
وفيه شي على 15 و 30

أنا بأقترح عليك وش تاخذين من هناك والأسعار إنتي روحي وشوفي اللي يناسبك

1-بلونات ملونة وإذا عندك الجهاز اللي ينفخ يدوي جيبيه .
2-زينات على ذوقك .
3-بخاخات خيوط الثلج .
4-صحون وكاسات ملونه تجي طقم أنا شايفتها في كذا محل في السويلم .
5-طرابيش على عددهم <<< ترى يفرحون فيها ويحسون إنك مسويه لهم شي .
6-شموع صغيرة حقت التورتة تلقينها عندهم أنا شايفتها بـ 3 ريال أتوقع فيها 6 حبات ، أصرف لكم من تاخذينه من محل الكيك بتصير أغلى .
7-تقدرين إذا تعرفين لبرنامج الوورد تصلحين بطاقة دعوة وفيها كروكي بيتكم ويوزعها عليهم قبل الحفلة بكم يوم <<< مره حلوه على بساطتها مو ضروري فيها تكلفة .
8-ممكن توزعون عليهم هدايا وكلهم زي بعض عشان تعرفين الصغار يغارون من بعض وتكتبون عليها (مبارك نجاحك)
**ملاحظه**
أنا كتبت مبارك ولم أكتب مبروك لأني من فترة قريبة عرفت وش الفرق بينهم لأن لغتنا العربية لغة مليئة بالكلمات والمعاني (زاخرة)
مبروك من تبرّك الإبل
مبارك من البركة
أو تسوين مسابقات وجوائز عليها بشرط أن تكون جميع المسابقات حركية
ووحده من ضمن الألعاب وحلوه مره ، تسوين هديه أكبر من الباقي شوي
فكرتها بسيطه جداً جداً جداً لكنها حماسيه بشكل قوي
(تجيبين أوراق صغيرة مره حول 100 أو أكثر لا تعدينها مو ضروري قصيها وكثري منها وكلهم ارسمي عليها بلونه
ووحده بس ارسمي عليها نجمه)
وقولي لهم اللي يلقى النجمه له الجائزة وعدي واحد اثنين ثلاثة وانثريها في مكانهم ويبدأون بحث والله ينبسطون وكل واحد يضحك .
ممكن تخلينهم يسمعون قرآن كنوع من التشجيع على حفظ القرآن وتقولين لهم بشكل مناسب لسنهم وش الفايدة (إننا نلبس أمنا وأبونا تاج في الجنة عشان حفظنا القرآن كامل) <<< ولك أجرها بإذن الله .
9-مع الكيك ممكن تحطين دونات وساندوتشات دجاج وبيتزا وفشار .
طبعاً كل هالأكل خليه في الغرفة اللي بياكلون فيها وطفي النور وولعي الشموع
وخليهم يصفون طابور زي القطار ويمشون ويغنون توت توت أنا القطار السريع ترى يفرحون بالصجة والأناشيد (أطفال *__*)
وأول مايدخلون يقربون عند الكيكة نجحنا وفرحنا أو أحلى حفله أو أي كلمة تبغينها
ويهفون الشموع وتولعون النور وتقطعين لهم الكيكة ويبدأون ياكلون ويشبعون .
وتنتهي الحفلة .


على فكرة إذا رحتي المحلات بتشوفين أشياء حلوة وممكن تضيفينها
مثلا زي لوحات الرسم بالرمل ممكن تجيبين كم حبة وتسوين عليها مسابقة من اللي يلون أسرع
الحبة على ريالين و3 والكبار مره على 10 و 20
وغيرها وغيرها بس راسي والله مايجمع .


أتمنى أكون أفدتك .

ممكن تشترين لولدك لبس تنكري تلقينه في السويلم ويستقبلهم فيه إذا كان جريء مو يستحي *___*

الله يحفظه ويبارك فيه ويجعله بار فيكم