ساعدوني لوسمحتم

السلام عليكم

اخواتي في الله بعرض عليكم مشكلة وحده من صديقاتي وماتعرف ايش اتسوي

المشكله باختصار ان صديقتي موظفه ((بنسميها هدى ))
وفي معاها وحده بالشغل الله ايهداها متزوجه وعندها عيال خلنا انسميها موزة

((مجال شغلهم مختلط تقريبا ))

المهم اول مااشتغلت هدى تعرفت على موزة اللي كانت مشتغله قبلها ب 3 سنوات
وكانت موزة مثال الاخلاق والطيبه بالنسبة لهدى ((طبعا المظهر الخارجي يغش بعض الاحيان))

بعد فترة بدت تتكشف امور لهدى عن موزة الا وهي

ان موزه المتدينه في نظر الناس واتحط عبايه على الراس وتلبس قفازات
ودايما اتشغل القرآن وتوزع هدايا دينيه على الكل لها علاقات برجال
واحد من هؤولاء الرجال مع هدى وموزه في الشغل ((صالح))
والمصيبه العظمى ايظن هو متزوج وعنده بنت وهو بعد ملتحي ومقصر الثوب لدرجة كبيره
ويوزع هدايا دينيه ودايما كلامه بالدين :44:

اول شي هدى كانت شاكه في الموضوع بعد كذا تفاجأة انه حقيقه خاصه انها شافت رسالة من صالح في جوال موزة ((طبعا موزة استاذنت لهدى انها اتشوف المسجات ونست انها ماامسحت الرسايل ،، ورقم صالح معروف للموظفين)) صالح كان كاتب في الرساله كلام يخزي كثير

وشافت بعد رساله من موزة لشخص ثاني مو مسجل اسمه اتقول له بخليك ابو حق ولدي فلان
:(

وشافت رساله من موزة اتقول لصالح ... لاتتصل على البيت انا بنام الحين تصبح على خير!!


المهم هدى قامت مؤخرا اتقط كلام على موزة ان عيب اللي ايسوونه بعظ المتزوجات الله ايهداهم وكذا يعني نصيحه من تحت الى تحت

موزة ... شافت ان هدى كاشفتها من مدة طويله قامت وبكل وقاحه اتكلم مع صالح وغيره في التلفون مجاهرةةة بدون ذكر اسماء جدام هدى
((بالعربي اتغازل ولا معطى هدى اي اهميه وصوت الرجال وايش ايقول واضح لان السماعه صوتها مرتفع))

والموت واللي يحزن القلب في رمضان موزه مشغله قران واتغازل صالح ويوم أذن المؤذن لصلاة الظهر قالت له (( هيه خلاص ايأذن اشبلالالاك مايصير !!!! ))

اخواتي خل اعطيكم مقارنه بين صالح ... وبين زوج موزة

صالح : موظف بسيط ، على قد حاله لاقصى درجه ، بشع المنظر ((انا مااتطنز بس اراويكم الفرق)) ، وضعه الاجتماعي مايجي 1 من عشره لوجينا وتكلمنا عن النسب.. متزوج وعنده بنت.

زوج موزة: ذو مركز مرموق اجتماعيا وعمليا، حالته الماديه ممتازه جدا، وسيم
ولما تبي موزه شي اينفذه لها على طول والله تذكر صديقتي مره ان موزه قالت خاطري اروح العمره ماكملت اسبوع الا زوجها حاجزلها وله على العمره .. قالت ابي ساعه شراها على طول
يعني كل اللي تبيه ايسويه لها ... وعنددها منه ولدين وبنت.

في المقابل موزة ماتصرف ولا شي من راتبها بشهاده منها نفسها وكل اللي تبيه زوجها ايجيبه لها. حتى عبايتها ماتغيرها :29:

عرفتوا القصه اختصار لان في اشياء اتجيب الشيب مااقدر اقولها من لقاءات وهدايا جدام هدى


هدى محتارة لان الاخت موزة شوهت سمعت هدى بما انها موظفه جديده ومالها علاقات بالبنات الثانيين وبما ان موزه موظفه من زمان وعلى اللي ايشوفونه البنات انها متدينه ومستحيل تكذب او اتسوي هالاشياء

هدى تبي شي ايوقف هذي المسخره .... وطبعا محد بيصدقها .. الا ....... زوج موزه لان عندها اثباتات ضد موزة في هذي السالفه

هي تتسائل الحين:

ايش الحل؟؟؟

هل تخبر زوج موزة بالموضوع ؟؟
وهل لو سكتت عن الموضوع بتعتبر شيطان اخرس كما هو الساكت عن الحق؟؟

هي اتقول ان قلبها يحترق لما اتشوف موزه ايجيها اتصال اتقوم موزه اتشغل القران وتتكلم!!


ارشدها جزاكم الله الف خير

اسفه طولت عليكم