ساعدوني لو بالدعاء الله يعافيكم

السلام عليكم ..............كيف حالكم
معليش يابنات انا حادخل عالموضوع على طول ........والله يابنات انا صار لي فتره وانا مره تعبانه وحاسه بتغيرات فظيعه مره احيانا احس بحزن واحيانا اكون عاديه مبسوطه واحيانا احس اني كارهه كل حاجه في الدنيا واحيانا والله حتى الصلاه ما ابغى اصلي ولاابغى ادعي ولا شي اعوذ بالله من الشيطان الرجيم ورحت لطبيبه نفسيه لأني كنت امر بمشاكا بس الحمدلله مش مع زوجي لأمع اهلي اخواتي وبالذات وحده منهم انا كنت مررررررررره احبها وادافع عنها قدام امي وابويا حتى
وفي يوم اتخاصمنا انا وهي والكل شمت فيه وقالولي احسن انها سوت فيكي كده المهم رجعنا اتصالحنا وانا عادي ماكلمتها بالموضوع بس عادي ومن يومتها وانا مره تعبانه وانا يابنات والله شايله حمل مرررررره تقيل عليه واشيل هم الكل واحرص اني ما ازعل احد فيهم من اهلي بس ما احد يفكر فيه غير امي وابويا الله يحفظهم يارب
المهم الدكتوره قالتلي عندك اكتئاب وقلق وتوتر واعطتني علاج واخدته بس مافي فايده
الآن صرت احس حراره في ايديني على طول من الذراع فوق الين تحت وعلى طول معايا غثيان واتمطع كثير وكسل وتثاؤب واحلام مزعجه بالمره والله اني مره تعبانه بس الحمدلله
قريت سورة اليقره يوم الأربعاء اللي فات ووقفت عشان الدوره جاتني بس على طول اشغلها لما انام واشغل شريط الرقيه الشرعيه بس والله اني مررررررررررره تعبانه ماني عارفه ايش اسوي وحاسه اني تعبت زوجي معايا وهومسكين مررره خايف عليه وقلقان وانا ما ابغى ازودها معاه بس والله غصبا عني يابنات تعبانه تعبانه الله يستر عليكم ودلوني او ادعولي اقل شي وسامحوني طولت عليكم وازعجتكم بمشاكلي
السلام عليكم