ساعدوني مااعرف اعبر ولا اتكلم معاه

هلا أختي
تصدقين انك مثلي ... احس انه ماعندي سوالف او مواضيع وهو اللي دايما يفتح المواضيع ويتكلم كثير .. بس لي سكت انا بعد اسكت ولااعرف وش اقول ... لكن مره قريت ان المراة ممكن تقرا وتطالع وتكتسب معلومات جديده وتشارك زوجها فيها وبهالطريقه يستوي نقاش بينهم ... جربي مره خذي لك كتاب او حتى مجله واقري موضوع عجبك واكيد بتلقين اشيا مابتفهمينها اسأليه وخذي رايه ونقاشيه والله بيكون حوار حلو .. او حتى اقري جدامه
انا بديت اسوي جذي وبصراحه استفدت وهو استفاد وياي .. على الاقل شاركيه بمناقشة الاخبار اليوميه في الجرايد وصدقيني موضوع بيجر موضوع ...

اما عن الشغلات الخاصه الثانيه اللي تحسين انج صعب تطلبينه بالكلام .. حاولي تكتبينها بورقه وتعطينها اياه وتتخبين عنه :27:
ماادري اذا فهمت قصدج ولالا بس احيان تمر ايام يكون جاف وياي وانا مااحب هالشي فيه .. اكتب له رساله واقول اللي بخاطري وباللي ودي يقوله لي او يسويه واعطيه الورقه .. اقوله اقراها وانت طالع المهم يكون بعيد عنك واقوله مايناقشني بالكلام اللي كتبته لاني استحي اذا انفتح الموضوع بس اقوله يفهم الكلام ويحس بمشاعري ويحاول يطبقه ... :27:

ان شاءالله اكون افدتج اختي العزيزه واللي كتبته لك من تجربتي .. لكن حطي ببالك اللي ينفع معاي ومع زوجي ممكن ماينفع معاج ومع زوجج .. لكن هذي اشيا بسيطه ومابتخسرين ان شاءالله لو جربتيها ......

هلا أختي لحظة وفا تصدقين إنك على اسمك وفا والله حسيت إن كلامك مجدي وفكرت فيه لقيته صح
مدري حسيت شخصيتك قريبه كثير مني عموما يعطيك العافيه حبيبتي ويحفظلك زوجك:24:
وهاذي لك:26:
وباقي العضوات وينهم ليش مايشاركوني؟

سلام ..

هلا ياعمري ..

جد مستغربه !!! اشلون ماعندك مواضيع مع رجلك ..

ياعمري تكلمي قولي اي موضوع ..

شوفي المواضيع اللى هو يحبها وتكلمي فيها ..

واذا على الافكار وشلووون تجددين بحياتك ..

عاد عالم حواءءء مو مقصر الحمدلله ..

فيه افكار واشياء خطيرررررررة ..

لو تقعدين يومين ما تخلصين الف من ذكر الله ..

واذا على الشئ اللى بينك وبين زوجك اللى هو العلاقه الحميمه ..

مو لازم تقولين اكشخي والبسي تطيبي وتسنعي هو اكيييييييييييد راح يفهم ..

الحياااء مطلوب مو شطارة انك تقولين انك تبين ها الشئ لااااااا ..

من يشوفك كذا اكيد هو راح يفهم :27:,,

جنووووبيه والنعم

هلاوين دندونة الحب

ليه ماتسئلين زوجك عن شغله ووش سوا اليوم ووش صار معه ووش كان شعوره في هالموقف الفلاني
او مثلا تذكرينه بليلة زواجكم والمواقف الي صارت فيها

او اسئليه عن حياته في طفولته وبعدها يعني تخيلي نفسك طبيبه نفسيه وخليه يفضفض الي بقلبه لك علشان تفهمينه اكثرر وتعرفين كل شي يحس فيه ويفكر فيه باذن الله

بخصوص علاقتكم الخاصه اي رجل يسعده انه يشوف زوجته كاشخه له ومجهزه عشاء حلو ومنومه اطفالها وجو بيتها وخصوصا غرفة نومهم معطره ومرتبه مايحتاج تقولين ولا حتى تلمحين ابدااا تاكدي من كذا انه راح ينشرح صدره ويتقرب منك اكثر ويحبك اكثر واكثر باذن الله

وبالتوفيق ياعسل :26:

..

.

طمنينا اختي دندونة الحبوبة وش صار معاج ؟
والله نصيحة خواتي كانت في محلها .. وان شاءالله تفيدج ... الله يسعدج انتي وزوجج ويحفظكم من كل شر :27: