ساعدوني ماعرف اضبط الرز ؟؟

كمية الموية حسب نوع الرز ,,انا استعمل بسمتي / كل كاسة رز بكاسة ونص موية ،تغلين الموية وتحطينها على الرز المغسول واول ما يغلي وطي النار واتركيه الى ان يشرب الموية واذا حسيتي الرزة قاسية زيدي شوية موية,, ولا تنسين البهار والملح والزيت ,, واذا كانت كبسة او اى رز ثاني نفس الطريقة بس بدل الموية مرق,,, ولو سويتي بحث في المنتدى حتلاقين انواع رائعة ما شاء الله على البنات ..نسيت اقولك غطي القدر بعد ما توطين النار,,, وعلى فكرة الرز يبغالو خبرة فلا تستعجلين فترة وتلاقين نفسك ضبطيه ان شاء الله,,وبالتوفيق:26: :26: :26:

اختي بعد سلق اللحم او الدجاج نصفي مويته بعد كذا نضع في القدر قليل من السمن حتى يسخن ونضع عليه الارز ويقلب قليلاً ونضع فلفل رومي وحبات هيل وعيدان قرفه ثم نضع عليه ماء اللحم الي يغطي الارز بقليل على نار عاليه الى ان تغطي الماء الارز تمامان ثم نقصر النارعلى المنخفض مره ويترك حتي يستوي وبالهناء والعافيه

حبيبتي اذا تبين تعرفين كمية الماء هي مناسبة او لا؟؟؟

استخدمي طريقتي ماخذتها من الوالدة الله يطول لها ... وتنفع للرز القليل والكثير
بعد ماتكبين الرز على الموية بالقدر جيبي ملعقة عادية وركزيها بالمنتصف اذا وقفت معناها الموية مناسبة..واذا طاحت ماتوقف معناها الموية كثيرة يبغالك تنقصينها لحد ماتوقف الملعقة زين...

اما الحرارة..بالبداية تطولينها لحد ماتطبخ الموية ولما تكبين الرز غطيه واقصري النار واذا شرب الرز الموية شوي خلاص حطي تحته حديدة عشان مايحترق وبنفس الوقت تطول الحبة على رواق...والنار خفيييييييييييفة عاد حطي انتي الحشوة اللي تبين او بدون..