ساعدوني ماني عارفه كيف ابدا

السلام عليكم ورحمة الله وبركاته

خوات انا ولدي عمرها 3 سنوات و3 اشهر وشاكه انو عنده توحد يحب يجلس لحاله ومايلعب مع اخوانه او االاطفال وماتغريه الالعاب يلفت نظره اشياء مثل قلم او مصاص العصير ياخذها ويرمي الباقي

حتى لو مرميه في الشارع ياخذها او ملعقه اشياء غريبه تجيه نوبات ضحك وصراخ بدون سبب مايرد على اللي يناديه ومايفهم اللي يكلمه يصك على اسنانه بقوه مايصفق ولا يقول باي وهذا طبعا من فتره قبل كان كويس وكان يقول باي وبابا وماما وننو بس كان يحب طيور الجنه وكنت اجلسه قدامها بالساعات وكانه في عالم ثاني مايتحرك وهو طبعه هادي ووزنه نزل مررررره صار يرفض ياكل اي شي واغلب وقته بس يرضع حليب حتى المويه مايشرب كثير المهم انو لي شهر وانا احاول اثقف نفسي واطبق عليه واول شي بديت فيه حذفت قنوات الاطفال وصرت اشغل سورة البقره باستمرار وقت النوم واحتويناه انا واخوانه وابوه والحمد لله صار يضم ويضحك ويلعب واذا دخل غرفه يطلع مايطول ومايجلس لحاله بس لازال يصك على اسنانه ويرفرف بايدينه وصار يقول بابا وماما بس مايفهم معناها ولما اقله هات او اقله تعال او قم يفهم

ولما ازهمه صار يلتفت وصار يطالع بعيوني بس مايطول الحين يخوات ابغا اكشف عليه وابغاكم تساعدوني الله يجزاكم الف خير ويشافي عيالكم يارب ويطمنكم عليهم يارب

وين اكشف عليه عطوني مركز سعره معقول وايش هي التحاليل اللي يسونها له وكم تاخذ وقت وهل المراكز مواعيدهم مساء وصباح لان الصبح صعب اوديه ابوه دوامه صعب شوي

تكفون لاتتاخرون علي احس اني تاخرت على ولدي كثير وانا احوال اكذب نفسي واقول مافيه شي ابغا اعرف وارتاح فيه ولا مافيه