Tokah @tokah

عضوة جديدة

ساعدوني محتاجه شغاله في الرياض

السلام عليكم ورحمه الله وبركاته

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «مَنْ فَرَّجَ عَنْ أَخِيهِ كُرْبَةً مِنْ كُرَبِ الدُّنْيَا فَرَّجَ اللَّهُ عَنْهُ كُرْبَةً مِنْ كُرَبِ يَوْمِ الْقِيَامَةِ، وَمَنْ سَتَرَ عَلَى أَخِيهِ الْمُسْلِمِ فِي الدُّنْيَا سَتَرَهُ اللَّهُ عَزَّ وَجَلَّ يَوْمَ الْقِيَامَةِ، وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ»

بنات الله يسعدكم الي تعرف ارقام شغالات ..وياليت لو بالساعه ..أنا ساكنه بشرق الرياض

الله يجزاها خير الي تدلني وربي رح أدعي لها من قلبي ..باقي لي 3 أيام وأدخل التاسع وبسبب ظروفي نفاسي بيكون ببيتي وأهلي بعييييد عني ..وأكبر أطفالي عمرة 4 سنوات :( .. والله بنجن من كثر التفكير ..

كانت عندي وحده جبتها من الشهر الرابع عشان اتعود عليها قبل نفاسي وتركتني قبل يومين :icon36:

الحمد لله على كل حااااااااال ..الله يجعلها خيرة لي ويعوضني خير

يلزم عليك تسجيل الدخول أولًا لكتابة تعليق.

تسجيل دخول

ام جوواان • 10 سنوات

حتى انا ابغى لي فتره أدور ولا حصلت
حصلت وحده6ساعات ب300صراحه غالي
اذا تبغيها عطيتك الرقم

نو99ف • 10 سنوات

ما اعرف
بس ليش اذا ولدتي ما تروحين لاهلك
لان ماعندك احد يدرس

أهلين وسهلين • 10 سنوات

الشركة السعودية للاستقدام,, خدمة راحة,, يوفرون عاملات بالشهر ,, التفاصيل في قوقل

خلاص تعبنا • 10 سنوات

أهلين وسهلين :

الشركة السعودية للاستقدام,, خدمة راحة,, يوفرون عاملات بالشهر ,, التفاصيل في قوقل

الشركة السعودية للاستقدام,, خدمة راحة,, يوفرون عاملات بالشهر ,, التفاصيل في قوقل

كان عندي وحده تجنن وشاطره اشتغلت عندي بنفاسي وفي الشهر التاسع

وكانت تاخذ 1800بالشهر

والحين بعد التحسين صارت تاخذ 2000

اذا تبينها

برسلك ع الخاص

صعب اكتبه هنا لان كثير بيتصل عليها وممكن تروح عليك

واذا ماتبينها او ماتفقتي معها كمان خبريني عشان اعطيها غيرك لاني متاكده بجيني الحين ميات الرسايل ع الخاص تبيها

والله ع ماقول شهيد بس مابي منك الا انك تدعي لي ان ربي يرزقني بالوظيفه عاجل غير اجل

Tokah • 10 سنوات

الله يسععععد كل وحده ردت ويجبر بخاطرها وييسرلها أمورها و يعطيها كل ما تتمنى ياااااااااااااااااارب

ام جوان ..جزاك الله خير ع الرد بس 300 ب 6 ساعات كثير ..

الي كانت عندي كانت تاخذ 1800 بالشهر يعني 60 باليوم وكنت اشوفها مررة كثير ..

نو99ف ...والله ودي بس ظروف أهلي ماتسمح أروح لهم ..الحمد لله على كل حال ..الله ييسر لي هذي الفتره وتعدي

أهلين وسهلين.. جزاك الله خير ع الرد ..طيب تعاملتي معاهم قبل ..زوجي سأل مكاتب لايجار الخدامات .. اخذت ارقامهم من النت وقالو ماعندهم ..

خلاص تعبنا.. ياليت ترسلي لي الرقم ..جزاك الله خير ورزقك بالوظيفه الي تتمنيها ياااااااارب بأقرب وقت ..والله 2000 كثير بس اذا شغلها يستاهل بجرب أكلمها .. يمكن نتفق .. وإذا تحبي تنزلي الرقم هنا عادي .. الدنيا ارزاق ..وكل واحد بياخذ نصيبه ..الله ييسرلنا ياااارب الي فيه الخير لنا ..

بنات شرق الرياض .الي تعرف ارقام شغالات بالساعه يكون سعرها معقول ..الله يسعععدها تفيدني