بالله منجدك تشاورينا تبقي ع ذالحال يعني يضربك بعصا المكنسه وبرجله ليه وش الي حادك ع ذالعيشه ؟انا مااقول تطلقي لكن لازم اهلك يعرفوا ويربوه لاتخافي ماراح يطلق لان مشكلة بعض الحريم عادي زوجها يضربها كل يوم بس مايتزوج او يطلق طيب وش تبغي فيه اهلك لازم يوقفوه عند حده والله ان فيه حريم اهلها مسكوا زوجها شرشحوه وانه تعدل ولم نفسه روحي عند او دافعي عن نفسك والله انه يخاف ويتأدب

انا بقول لاهي بس اذا روحت لأنه أنا بمدينه ثانيه
ولو يعرف اني بقول وربي ماعاد ينزلني

يظربك ويهينك قدام اولادك ويتلفظ عليك بكلمات سيئه ويتكلم في عرضك وتقولي طيب وهادي وحنون
وين الطيبة عن شخص زي هذا ؟ حتى اهله مايحب يزورهم ! انتي لانك تحبيه بتتحملي كل شي منه وتسكتي عن اللي يسويه فيك
وهذا اللي خلاه يتقوى عليك لانه ظامن انك تحبيه ومابتتخذي موقف ولا تقدري تسوي شي . الله يعينك على العيشه معاه !!

صراحة أنقهرت من وضعك ومن زوجك
واحترت وش أرد عليك ما ودي أخببك على زوجك لكن وضعك ما ينسكت عنه فشاورت أخوي قلت له لو بنتك تزوجها واحد وذكرت صفات زوجك الإجابية لكنه عصبي وإذا عصب ضربها حتى وهي حامل وقالها أنت كلبه بنت كلب وخائنة تدخلي رجال
رد علي وقال لو كلامه بس وقذفه لها كان أروح له واتفل في وجهه وأخذ بنتي وأرمي عياله عليه مو بعد يضربها
وأنا أقول لك من أمن العقوبة أساء الأدب
لذلك ماراح زوجك يوقف إلا بحالتين إما إن إخوانك إذا مد يده وضربك يضربه بمعنى يضربه خليه يجرب الإهانة وإن أحد يستقوي عليه وضروري يزوروك في البيت لو كل شهر حتى لو هم في مدينه ثانية بالطائرة ما يأخذ وقت خليه يحس إن أهلك متابعين وضعك ولا يعطوك خبر قبل يحضروا يعني يحضروا فجاءة
أو إنك تقوي جسمك و إذا مد يده تردي عليه ما تكوني ضعيفة وتبكي أستقوي وإذا مد يده دافعي وصارخي في وجهه خليه يحس إن اعتداءه عليك له ردة فعل قويه لا تفوتيها له وتقولي اعتذر !! خليه يوفر اعتذاره وندمه لنفسه
وسبق وقرأت لعضوة من بنات حواء تقول كان يضربني وبدأت إذا ضربني أضربه وأمخش وجهه وأطراف أيديه الأماكن الظهره للناس وإذا شفته أقبل علي يبغى يضربني على طول أقوم عليه بعدها حرم يمد يده عليها وعرف معنى الضرب والإهانة
وأنا ما قلت لك هذا الكلام إلا لأني قراءة قصة بنت الجنوب الي زوجها كان يعصب ويضربها وأخر مره ضربها فيها دخل أصبعه وطلع عينها بعدها رفعت عليه قضية و تطلقت منه لكن بعد إيش بعد ما خسرت عينها وصارت عوراء و أنت تنتظري يحصل لك شيء بعيد الشر عنك
رددي لو في نفسك إذا شفتيه عصب اللهم إني أجعلك في نحره وأعوذوا بك من شره
واستغفري وأدعي إن الله يسخره لك و يلين قلبه وجوارحه لك ولذريتك
والولاده لا تولدي عنده روحي لبيت أهلك لا ترخصي نفسك خليه يحس بفقدك وبفقد أولاده خليه يحس بقيمتك
أستخيري قبل تقدمي على أي تصرف معاه علشان تكون خطواتك ثابته ولا تندمي بعدين
أسأل الله الحي القيوم أن يسخر لك زوجك وييسخرك له ويؤلف بين قلوبكم ويصلح ما بينكم
ويلين قلب زوجك وجوارحه لك ولذريتك ويطعمك من خيره ويكفيك شره ويرزقه الحلم والحكمة وحسن الخلق

شوفي الخاص ياقلبي