ساعدوني مدري اذا هذا حب مؤقت او حقيقي😭

انا كنت انسانه طبيعيه العب مع بنت خالتي .. دخل معنا واحد من الشات وهالواحد قال بدخل صاحبي دخل صاحبه وكان وضعنا طبيعي بداية لعبنا تقريباً اسبوعين ندخل شبه يومي ونسولف ونضحك ويسأل عني .. كنت مرات انا اطلبه يلعب معي بدون قصد شي لكن المره الثانيه طلبته وقاصده لين حسيت اني صدق تعلقت فيه ولما يسولف لنا كنت طول الوقت اقعد مبتسمه وكنت كل وقتي باللعبه انتظره يدخل وكان واضح علي عشاني اسكت بس ما ينتبه وانحرج اتكلم بنت خالتي كانت تلعب معنا وتكتب لي ليه ساكته وانا استحي اتكلم لاني اتلعثم ويوضح علي متوتره .. اقترحت عليه من كثر ماني متعلقه فيه وافكر فيه ابي اسأل عن اخباره قلت له بعطيك تويتري واذا بتلعب كلمني في البدايه استحيت اني كل وقتي اكلمه لين هو صار يكلمني ادخل اللعبه وكنت استحي اتكلم بس اقول لازم اتكلم عشان ما يحس بشي .. كان وقتها حجر وخلص الحجر وهدت الاوضاع ورجعت دواماتنا وما صرنا نلعب وقال هو بيبيع حسابه وباعه وضافني بحساب ثاني قال اذا بغينا نلعب حسابي هذا موجود ومع الايام تويتر انقلب العالم يطلعون بأفكار غبيه والنساء للنساء وصور يعني ما ادري شقول او من وين تطلع لي استغفرالله وقتها قررت احذف تويتر بس قلت ما اقدر اترك هالشخص وايش اسوي بعدين فكرت بالموضوع ورتبت كلامي ورحت قلت له انو كذا وكذا وكذا ووقتها مدري مين عرض على الثاني انو نروح الإنستجرام تغير الوضع وبدينا نعرف عن بعض ونسولف ونرسل صور وانا كنت طايرره من الفرحه حسيت اني فوق الغيم وتعرف على دوامي هو كان يعرف من سوالفنا قبل في اللعبه كانت تسألني بنت خالتي عن الدوام وهو يسمعنا بس ارسلت له صور لاطفالي اللي ادرسهم بالدوام واسولف له عن الدوام .. انا احب من طرف واحد ما ادري كيف اوصف حبي له .. ماراح تصدقوني .. دايم استشعر وجوده معي ومرات اقول هو مو معي واتضايق .. ياربي مدري كيف حبيت هذي اول مره احب فيها وما كنت مأيده سالفة الحب .. اول كنت اضحك على اللي يحبون واقول بنفسي منجدهم ذول يحبون .. مادريت الحب يتّعب لان مرات احس انه بيوم بيتركني ويتزوج اصير منعزله بغرفتي اقعد افكر .. لا احد يفهمني غلط انا والله هالانسان حبيته من ربي ما كان بيننا اي شي عاجبتني شخصيته واسلوبه المحترم وكيف ياخذ ويعطي واذا زعلت ولا صار لي اي شي اروح له على طول افضفض ويطبطب علي بكلامه اذا كلمته وتركت الجوال بس يجيني اشعار قلبي يفز لاني عارفه انه هو .. دايم افكر فيه واحرص اني اعرف اخباره اول بأول .. يعرف عن اهلي واعرف عن أهله قال لي بياخذ اجازه بعد شهر بيجي مدينتنا مع امه انا انبسطت وادري ما بنلتقي بس استانست انه بعيد عني فجأه فكر يجي مديتنا قال بيجي هو وامه واخته الصغيره رحت جهزت له لسته من المطاعم والكوفيهات وتشكرني مره ويدعي لي وهذا اكثر شي انبسط عليه الدعوات من شخص عزيز .. صرت احب اخذ رايه بملابس واشياء اطلبها وصار يوريني حتى هو وطبعاً يحب الشوزات كثير ويحب ينوع فيها ..
اذا ارسل فويس نوت لا شعورياً ابتسسمم واقعد نص ساعه مبتسمه لو انه يرد على سالفه انسى السالفه واقعد مبتسمه لانه صوته وهذا شي واذا يغني شي ثاني يسجل لي وهو يغني .. ياناس والله ماعمري حبيت ولا كنت مأيده الحب بس وش اسوي حبييت لو تكونون بمكاني وتحبون احد بتروحموني حبيت بكل شي فيني بعقلي وقلبي وجسمي وبكل شي اقولكم حبيته وتعلقت فيه وكل يومي افكر وبالي مشغول فيه😭😭